2020-10-22   544     
وەزیری تەندروستیی هەرێمی کوردستان رایدەگەیەنێت، لە 24 كاتژمێری رابردوودا بەرزترین رێژەی توشبوون بە كۆرۆنا تۆماركراوە.
ئاوێنە: ئەمڕۆ پێنجشەممە 22-10-2020 سامان بەرزنجی وەزیری تەندروستی هەرێم لە كۆنگرەیەكی رۆژنامەوانیدا رایگەیاند،" لەماوەی 24 كاتژمێری رابردوودا، شەش هەزار و 451 پشكنینی ڤایرۆسی كۆرۆنا ئەنجامدراوە، دەرەنجام هەزار و 308 توشبووی نوێ لە هەرێمی كوردستان تۆماركراون، ئەوەش بەرزترین رێژەیە لە سەرەتای سەرهەڵدانی ڤایرۆسەكەوە".
ئاماژەی بەوەشدا،" هەر لەو ماوەیەدا 17 توشبووی ڤایرۆسەكە گیانیان لەدەستداوە، هەروەها 246 كەسیش چاكبوونەتەوە و رەوانەی ماڵەوە كراونەتەوە".
بهپێی دوایین ئاماری وهزارهتی تهندروستی ،تا ئێستا 66 هەزار و 131 کەس له ههرێمی كوردستان تووشی كۆرۆنا بوون، لەو ژمارەیەش 38 هەزار و 807 کەس چاکبوونەتەوە و دوو ههزار و 243 کەسیش بههۆی ڤایرۆسهكهوه گیانیان لەدەستداوە.