دادگای بەریتانیا ٢٠ ساڵ زیندانی بەسەر کوردێکدا سەپاند
  2021-04-08       1093       

‎ئا: كاوە ڕەش


‎دوای دەنگدانەوەیەكی بەربڵاو و چەندین دانیشتنی داداگا لەمەڕ كەیسی كوشتن و پارچەپارچەكردنی جەستەی ژنێكی تەمەن ٣٢ساڵ، ‎ڕۆژی ٧ی نیسان، دەستەی دادوەران بەكۆی دەنگ سزای زیندانی هەتاهەتای و لانیكەم ٢٠ساڵیان سەپاند، بەسەر (ئە.م) تەمەن٢٤ ساڵ كە كوردێكی باكوری عێڕاقە.


‎(ئە.م)  دوای ئەوەی لەشەوێكدا دەكەوێتە دوای (لۆرین كۆكس)ی تەمەن ٣٢ساڵ، كاتێك لەدەرەوە بووە ب ۆبەسەر بردنی پشوی هەفتە لەسێپتەمەری ٢٠٢٠ دیار نامێنێت. لەسەر  کوشتن و بێ  سەروشوێن بونی لێكۆڵینەوەكانی پۆلیس، لەگەڵ كوردێك دەستی پێكردو دواتر ئاشكرا بوو، كە كوژراوەو بەشێک لە جەستەی لە کۆڵانێکی نزیك ئەو ئەو شوقەی تێدا كوژراوە  خرابوە نێو تەنەكەی خۆڵەوە.  پاشماوەی پارچەكانی دیكەی جەستەشی، لەدووری ٩كیلۆمەتر لەشاری ئێکسێتەر و لەناوچەكی دارستان شاردرابۆوە.

‎(ئە.م) كەپەناخوازێكی شكستخواردوی خەڵكی هەرێمی كوردستانە، نكۆڵی لەكوشتنی ئەو ژنە كردوە، بەڵام دانی بەوەدا ناوە كەدوای ئەوەی ئەو ژنە ماددەی هۆشبەری بەكارهێناوەو بڕێكی زۆر كحولی خواردۆتەوە، پاشان سێكسیان پێكەوە كردوە، دواتر ئەو ژنە كەناوی (لۆرین كۆكس)ە گیانی لەدەستداوە.


‎بەپێی گێڕانەوەكانی بۆ دادگا دەڵێ; تەنها ئەوەم لەیادە كەوەك كابوسێك وابوو، كاتێك  بینیویەتی ئەو ژنە مردوە. دەڵێ هەستم كرد جەستەی زۆر سارد بوو، بۆیە منیش ڕام كێشایە سەر تەختەی نوستنەكەم، هەرچەندە دەمزانی گیانی لەدەستداوە، بەڵام گوتم ڕەنگە  بەخەبەر بێیتەوە.


‎لەدرێژەی گێڕانەوەكانی دەڵێ، توشی شۆك بوە نەیزانیوە چی بكات بۆیە چەند ڕۆژیك لاشەكەی لەژورەكەیدا هێشتۆتەوە پاشان كردویەتی بە حەوت پارچە بۆ ئەوەی بتوانێت بەئاسانی پارچەكانی جەستەی بشارێتەوە لەچەند شوێنێك و ناو دارستانێكی نزیك شاری ئێکسێتەر.


‎دۆكتۆرو پسپۆڕەكانی لێكۆڵینەوەی جەستە، نەیان توانیوە  هۆكاری مردنی ئەو ژنە پشت ڕاست بكەنەوە، بەهۆی ئەو ماوە درێژەی لەنێوان مردن و دیارنەمانی  ئەندامەكانی جەستەیدا هەبوە


‎(ئە.م) كەدانیشتوی دارتماوس، بووە لە ستۆک ئۆن ترێنت،  بەكۆی بڕیاری دەستەی سوێندخۆران، لە دادگای ئێکستەر کراون، بە تاوانی کوشتن و دەستدرێژێژی و پارچەپارچەكردنی جەستەی ئەو خانمە ئینگلیزە تاوانبار ناسێندرا، دوای ئەوەی خۆی دانی نابە شاردنەوەی پارچەكانی جەستەیی قوربانیەكەو بەخاکسپاردنی بەشێوەیەكی نایاسا.


‎دادوەر گارنهام دەڵێ: کەپێویستە بەلایەنی کەمەوە 20 ساڵ لە زیندان دا بمێنێتەوە.

‎(ئە.م) پێش ئەوەی لاشەی خاتوو (کۆکس) لەت لەت بكات، جەستەكەی لەژێر  تەختەی نوستنەكەی بۆماوەی یەك هەفتە هێشتبۆوە ‎وەك لەكامێراكانی چاودێری تۆمار كراوە، مەنگوڕی دوای هەفتەیەك لەفرۆشگاكان، پێداویستی تایبەت وەدەست دەخات، بۆ ئەوەی بتوانێت لاشەكەی پارچەپارچە بكات و بەئاسانی بیشارێتەوە.


‎لە کاتی خوێندنەوەی سزادانەكەدا،  دادوەر، بەمەنگوڕی گوت: تۆ کۆتاییت بەژیانی ژنێکی گەنج و چالاك و زیرەك هێناوەو هەموو ژیانت لێ سەندۆتەوە.


‎ئەو گوتی: تۆ كەسێكی ترسنۆکیت لەوەی، نەت ویستوە ڕاپۆرتی مردنی ئەو خانمە بدەیت بەپۆلیس و هەوڵت داوە بۆ شاردنەوەی بەڵگەی تاوانەكەت، كەئەمەش خزمەتی تۆی نەكردوەو بۆتە هۆی ئازارو زیانی زۆر بەخێزان و هاوڕێكانی خانمە كۆكس.


‎خێزانی خاتوو کۆکس، هەشت ڕۆژ، بەهیوای گەڕانەوەو چاوەڕوانی بێ ئاکامیان چەشتوە، لەکاتێکدا تۆ لەسەر جێگاکەت دانشتبوییت و بڕیارت داوە، چۆن و بە باشترین شێوە، خۆت دەربازبكەیت لەبەرپرسیارێتی تاوانەكەت.


‎بەپێی ئاماژە پێدانی ‎دادوەرەكە دەڵێ، ڤیدیۆیەک کە (ئە.م) خۆی دروستی كردوەو بڵاوی كردۆتەوە چەندكاتژمێرێك دوای كوشتنەكە وانیشان دەدات تاونبار گوێ بۆ مۆسیقا دەگرێت و دوكەڵی نێرگەلە بەبا دەدات بەشێوەیەک هیچ ڕووی نەدابێت و  زۆر هێمن و لەسەرخۆیە.


‎ ئیلیس فالۆ، هاوبەشی خاتوو کۆکس، لە لێدوانێكیدا لەدوای بڕیاری دادگا  وتی "دڵی شکاوە، هەرگیز چاک نابێتەوە. ئەو ژنە ئەوەشی وت: هیچ شتێک ئەو ئازارە ڕاناگریت کە هەست دەکەم خۆشەویستەكەی ژیانم لە تەنیشت منەوە نییە.


‎(ئە.م) كەكوردێكی عێڕاقییەو لەدیسەمبەری ٢٠١٨ شكستی هێناوە لەدواكاری مافی پەناخوازییەكەی و بڕیار بووە دیپۆرتی ووڵاتەكەی بكرابایەوە.


‎ داواکاری گشتی سیمۆن لاوس، (ئە.م) بەدرۆزنێکی لێزان و فریوودەر ناوبردوە ‎بەوەی لەدوای کوشتنی خاتوو کۆکس، سیمکارتی لەتەلەفۆنەکەی بەکارهێناوە، بۆ ئەوەی وەها نیشاندانی بدات، كەهێشتا ئەو کچە لە ژیاندا ماوە، بەهۆیەشەوە پەیامی بۆ خێزان و هاوکار و هاوڕێکانی كۆكس ناردوە.


‎وەزارەتی ناوخۆی بەریتانیا دەربارەی ئەو کەیسە دەڵێن " ئەو کەسانەی بیانین و  هەڵدەستن بەئەنجامدانی تاوانی پیس و ناپەسەند، ئێمە میوانداریان  ناكەین و  بێ هیچ گومانێک لەسەر ئێمە پێویستە  دیپۆرتیان بكەینەوە.


‎وتەبێژێک لەوەزارەتی ناوخۆ دەڵێت " ئەولەویەتی لەپێشینەیان هەمیشە پاراستنی خەڵكی گشتی بەریتانیا دەبێت و سەلامەتی ئەوان گرینگترە لەهەموو شتێك. ووتەبێژەكە ئاماژەی بەوەشداوە، كە  چاکسازی لەسیستەمی پەنابەریدا دەكرێت و ئەوكات گەڕاندنەوەی پەناخوازانی شکستخواردو بۆ ئەوان ئاسانتر دەبێت، ئەوانەی کەمافی مانەوەیان لەبەریتانیا نییە.

زۆرترین بینراو
© 2021 Awene Online, Inc. All Rights Reserved.
×