کازمی بەشداری لە هەڵبژاردنی پەرلەمانی عێراق ناکات و پشتگیری هیچ حزبێکیش ناکات
  2021-04-27       559       
بەپێی زانیارییەکان کە لە سەرچاوەی نزیکی نوسینگەی سەرۆکوەزیرانەوە بڵاوکراوەتەوە، مستەفا کازمی بەشداری لە هەڵبژاردنی پەرلەمانی عێراق ناکات و پشتگیری هیچ حزب و لایەنێکیش ناکات.

ئاوێنە: مستەفا کازمی بڕیاریداوە لە هەڵبژاردنی داهاتووی عێراق ناوی لە هیچ لیست و قەوارەیەکدا نەبێت و ڕێگری لە تیمی نوسینەگەکەشی دەکات کە نزیکی هەڵبژاردنەکان بکەون.

بڵاوبوونەوەی هەواڵی بەشدارینەکردنی مستەفا کازمی لە هەڵبژاردندا هەموو ئەو دەنگۆیانە ڕەتدەکاتەوە، کە باسیان لەوە دەکرد مستەفا کازمی بە لیستێکی نوێ دادەبەزێت و هەوڵ بۆ کۆکردنەوەی دەنگی خەڵک دەکات.

بەهۆی کێشە و ناکۆکییەکانی عێراقەوە، سێ سەرۆکایەتییەکەی عێراق هیچیان خاوەنی کورسی تەواو نین بۆ ئەو پۆستانە و بە ڕێککەوتنی لایەنەکان دانراون.

مستەفا کازمی، کە ئێستا سەرۆکوەزیرانی عێراقە، بەبێ بوونی هیچ کورسییەک بووتە سەرۆکوەزیران و ئەوەش دوای ڕێککەوتنی لایەنەکان لەسەر ئەو پرسە.
زۆرترین بینراو
© 2024 Awene Online, Inc. All Rights Reserved.
×