هاوپەیمانی
نێودەوڵەتی بۆ شەڕی دژبە داعش رایگەیاند، بەم دواییانە بە بەهای زیاتر لە سێ ملیۆن
دۆلار چەك و پێداویستی سەربازییان داوەتە پێشمەرگە. جەختیش دەكاتەوە كە پابەندبن
بە كاركردن لەگەڵ هاوبەشەكانیان لە هێزە ئەمنییەكانی عێراق و پێشمەرگە بۆ
تێكشكاندنی داعش.
ئاوێنە: وەین
مارۆتۆ، وتەبێژی هاوپەیمانی نێودەوڵەتی، ئەمڕۆ هەینی، لە تویتێكدا وتی، بەم
دواییانە بە بەهای زیاتر لە سێ ملیۆن دۆلار، چەك و پێداویستی سەربازییان رادەستی
پێشمەرگە كردوە ئەوەش وەك بەشێك لە بەرنامەی سندوقی مەشق و پێداویستی سەربازیی
ئەمریكییەوە.
وەین مارۆتۆ جەختی كردۆتەوە كە هاوپەیمانان
پابەنددەبن بە كاركردن لە نزیكەوە لەگەڵ هێزە ئەمنییەكانی عێراق و پێشمەرگە لە
شەڕكردنیان بۆ تێكشكاندنی داعش.
بەپێی
بەیاننامەیەكی هاوپەیمانی نێودەوڵەتی بەهای ئەو چەك و پێداویستییە سەربازییانە كە
بەم دواییانە رادەستی پێشمەرگە كراون سێ ملیۆن و 322 هەزارو 145 دۆلار بوە.