نێچیرڤان بارزانی گه‌یشته‌ ئیمارات
  2021-06-11       303       
ئێواره‌ی‌ ئه‌مڕۆ هه‌ینی‌ نێچیرڤان بارزانی‌، سه‌رۆكی‌ هه‌رێمی‌ كوردستان، به‌سه‌ردانێكی‌ فه‌رمی‌ له‌سه‌ر داوای‌ شێخ محه‌مه‌د بن زاید ئال نهیان، جێنشینی ئه‌بو زه‌بی و فه‌رمانده‌ی‌ گشتیی‌ هێزه‌ چه‌كداره‌كانی‌ ئیمارات، گه‌یشته‌ ئه‌بو زه‌بیی‌ پایته‌خت.

ئاوێنه‌: له‌ڕێوڕه‌سمێکدا له‌فڕۆکه‌خانه‌ی ئه‌بو زه‌بی له‌لایه‌ن ئه‌حمه‌د عه‌لی ئه‌لسایغ، وه‌زیری ده‌وڵه‌ته‌وه‌ به‌یاوه‌ریی باڵیۆزی عێراق له‌ئه‌بو زه‌بی و کونسولی گشتیی ئیمارات له‌هه‌ولێر، پێشوازی لێکرا.

به‌پێی‌ به‌رنامه‌ی‌ سه‌ردانه‌كه‌، سبه‌ی‌ شه‌ممه‌ نێچیرڤان بارزانی‌ له‌گه‌ڵ شێخ محه‌مه‌د بن زاید ئال نهیان كۆده‌بێته‌وه‌.

به‌پێی‌ ڕاگه‌یه‌ندراوی‌ سه‌رۆكایه‌تی‌ هه‌رێم، "له‌کۆبونه‌وه‌که‌دا پته‌وترکردنی په‌یوه‌ندییه‌كانی‌ هه‌رێمی‌ كوردستان و ئیمارات و چۆنیه‌تیی‌ فراوانكردنی‌ بواره‌كانی‌ هاوبه‌شی‌ و هاریكاریی‌ نێوان هه‌رێمی‌ كوردستان و عێراق له‌گه‌ڵ ئیمارات تاوتوێ ده‌که‌ن، له‌باره‌ی دوایین پێشهات و په‌ره‌سه‌ندنه‌كانی‌ ناوچه‌كه‌ به‌گشتی‌ بیروڕا ده‌گۆڕنه‌وه‌."

پێشتر فەرمانگەی پەیوەندییەکانی دەرەوەی‌ حكومه‌تی‌ هه‌رێمی‌ كوردستان ڕایگه‌یاندبو كه‌ رۆژی شەممە 12-6-2021، نێچیرڤان بارزانی لەسەر بانگهێشتی فەرمی شێخ محەممەد بن زائید ئال نەهیان جێنشینی ئەبوزەبی سه‌ردانی‌ ئیمارات ده‌كات‌و لەگەڵ شازادەی جێنشینی ئیمارات کۆدەبێتەوە.

زۆرترین بینراو
© 2021 Awene Online, Inc. All Rights Reserved.
×