هێزەكانی توركیا خانووی هاوڵاتیان لە گوندی بهێرە لە ڕیفی باكووری حەسەكەیان بۆردومانكرد و بەهۆیەوە منداڵێك گیانیلەدەستدا و مەدەنییەكیش برینداربوو، وەك ئەوەی ئاژانسی سانا-ی سوری بڵاویكردووەتەوە.
ئاوێنە: ئاژانسەكە لە زاری سەرچاوە ناوخۆییەكانەوە ڕایگەیاند، هێزەكانی سوپای توركیا چەند مووشەكێكی لەڕێی فڕۆكەی بێفڕۆكەوان ئاراستەی خانوویەك لە گوندی بهێرە كردووە، گوندەكە دەكەوێتە سەر ڕێگای عامودا دەرباسییە.
ڕوونیشیكردەوە، بەهۆیەوە منداڵێكی تەمەن 13 گیانیلەدەستداوە و كەسێكی مەدەنی دیكە برینداربووە، جگە لەو زیانە ماددییە گەورەیەی بەر خانووەكە كەوتووە.