ژمارەی كوژراوەكانی خوێندنگاكەی تەكساس گەیشتە 21 كەس
  2022-05-25       324       

چەکدارێکی تەمەن 18 ساڵ دەستڕێژی گولـلەی لە خوێندنگەیەکی سەرەتایی لە تەکساسی ئەمریکا کرد و 19 خوێندکار و مامۆستا و نەنكی خۆشی كوشت.

بەپێی هەواڵی میدیاكانی ئەمریكا، چەکدارەکە سەرەتا تەقەی لە نەنکی کردووە و پاشان هەڵیکوتاوەتەسەر خوێندنگەکە و کچە مامۆستایەک و 19 خوێندکاری کوشتووە، دواتر لەلایەن پۆلیسەوە كوژراوە.

تا ئێستا پۆلیس و دەسەڵاتدارانی ناوچەکەش هۆكاری تەقەكردنەكە نازانن و بەهۆی کوژرانی بکەرەکەیەوە ڕووداوەکە تەمومژاوییە.

هاوكات بەپێی لێکۆڵینەوەکان، ئەو کەسە بە چەکی نیمچە ئۆتۆماتیکی جۆری AR-15 تەقەی کردووە.

گرێگ ئەبۆت، حاکمی تەکساس ڕایگەیاندووە ئەو گەنجە بكەری ڕووداوەكەیە ناوی (سەلڤادۆر ڕامۆس)ە.

ئاشكراشیكردووە، پێش ئەوەی بچێتە نێو خوێندنگاكە، ئۆتۆمبێلەکەی لە دەرەوە جێهێشتووە و هەر ئەوكاتەش نەنكی خۆی كوشتووە.

زۆرترین بینراو
© 2023 Awene Online, Inc. All Rights Reserved.
×