لە هەولێر ژنێک کوژرا و کوڕەکەشی بریندارە
  2022-10-30       402       

شەوی ڕابردوو لە قەزای خەباتی سەربە پارێزگای هەولێر ژنێک کوژرا و کوڕەکەشی بریندارە.

 ئاوێنە: بەگوێرەی زانیارییەکان شەوی ڕابردوو (شەممە 29-10-2022) چەند چەکدارێک هەڵیانکوتاوەتەسەر ماڵێک و تەقەیان کردووە و لە ئەنجامدا ژنێک کوژراوە و کوڕەکەشی برینداربووە. 

هۆگر عەزیر، وتەبێژی پۆلیسی هەولێر هەواڵەکەی پشتڕاستکردووەتەوە و دەڵێت، چەکدارەکان پێنج کەس بوون و هەڵیانکوتاوەتەسەر ماڵەکە. 
 
تاوەکو ئێستا هۆکاری سەرەکی ڕووداوەکە ئاشکرا نەبووە، بەڵام بەگوێرەی زانیارییە سەرەتاییەکان ئەو کەسانە بۆ دزیکردن چوون و دوای ئەوەی کوڕ و دایکەکە پێیان زانیوە، دزەکان تەقەیان کردووە. 

زۆرترین بینراو
© 2024 Awene Online, Inc. All Rights Reserved.
×