محەمەد شیاع سودانی، سەرۆك وەزیرانی عێراق، ئەمڕۆ هەینی، لەپەیامێكدا بەبۆنەی رۆژی جیهانی روبەڕوبونەوەی گەندەڵی رایگەیاند، روبەڕوبونەوەی گەندەڵیمان كردۆتە ئەولەویەتی كاری حكومەتەكەمان.
ئاوێنە: سودانی لە پەیامەكەیدا كە لە تویتەر بڵاویكردۆتەوە، وتوشیەتی: پێمانوایە گەندەڵی هۆكاری سەرەكی سستی دەوڵەتە لە بەجێگەیاندنی ئەركەكانیدا.
سەرۆك وەزیرانی عێراق جەختیشی كردۆتەوە كە "هیچ هەوڵێكی ئابوری و خزمەتگوزاری بەبێ روبەڕوبونەوەی ئەو پەتایەو گەڕاندنەوەی پارە دزراوەكان و شوێنپێهەڵگرتنی داواكراوان، بەدی نایەت."