نرخی کارەبای موەلیدەی سیتییەکان دیاریکرا
  2023-01-25       358       

بەڕێوەبەرایەتیی گشتیی کارەبای سلێمانی بڵاویکردەوە، لیژنەی باڵای دیاریکردنی نرخی کیلۆواتی سیتییەکان نرخی کیلۆواتی کارەبای موەلیدەی بۆ مانگی کانوونی دووەم دیاریکرد کە بریتییە لە 400 دینار بۆهەر کیلۆواتێک.

ئاوێنە: بەڕێوەبەرایەتیی گشتیی کارەبای سلێمانی بڵاویکردەوە، “ئەمڕۆ چوارشەممە لیژنەی باڵای دیاریکردنی نرخی کیلۆواتی سیتیەکان کۆبوونەوەیەکی سازکرد و تیایدا نرخی کیلۆواتی کارەبای موەلیدەی بۆ مانگی کانوونی دووەم دیاریکرد”.

ئاماژەی بەوەش کرد، “لەکۆبوونەوەکەدا کە نوێنەری ئەنجومەنی سیتییەکان ئامادەیبوون بەگوێرەی نرخی گازوایل لەبازاڕ و ئەو توێژینەوەیەی بۆ خەرجی موەلیدەی سیتییەکان ئامادەکراوە نرخی کیلۆوات هاوەرێک بریتیە لە 400 دینار”.

باسیلەوەش کرد، “پێویستە سەرجەم کۆمەڵگا نیشتەجێبووەکان (سیتیەکان)ی سنووری پارێزگای سلێمانی پابەندبن بە نرخەکەوە بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە و سزادەدرێن”.

زۆرترین بینراو
© 2023 Awene Online, Inc. All Rights Reserved.
×