سەرچاوەکانی رۆژئاوای کوردستان ئاشکرای دەکەن لەماوەی مانگێکدا 30 هاوڵاتیی عەفرین رفێنراون و زیاتر لە دوو هەزار درەختی ئەو ناوچەیەش بڕدراونەتەوە .
ئاوێنه: ئاژانسی هەواڵی (هاوار) نیوز بڵاوی کردەوە؛ لە سەرەتای ئەم مانگەوە تا ئێستا 30 کەس لە دانیشتوانی خەڵکی عەفرین رفێنراون و ناوی ئەوکەسانەش کە رفێندراون ئاشکرا کراوە، هەر بە پێی زانیارییەکانی ئەو میدیایانە لەنێوان رفێندراوەکاندا کەسی بەتەمەنیش هەیە.
هەر لەو ماوەیەدا دو هەزار دار و درەخت لە سنوری عەفرین بڕدراونەتەوە کە زۆرینەی دای زەیتون بوە و هاوکات تاڵانکردنی ماڵ و سامانی هاوڵاتیان بەردەوامە.
دوای داگیرکردنی عەفرین لەساڵی 2018 بە پێی ئامارەکانی مافی مرۆڤ تا ئێستا 2760 کەس کوژراون و هەروەها 8901 کەسیش رفێندراون و بەشێکیش لە رفێندراوەکان لەبەرامبەر پارەدا ئازاد کراون.