بەھۆی ئەوەی وەزارەتی دارایی پارەی پێوستی بۆ دابەشكردنی مووچەی فەرمانبەرانی سلێمانی نەناردووە، سستی لە دابەشكردنی مووچە دروستبووە.
ئاوێنه: میدیای یەكێتی بڵاویكردەوە: وەزارەتی دارایی حكومەتی ھەرێم پارەیەكی زۆر كەمی بۆ مووچەی مانگی سێی فەرەمانبەرانی سلێمانی ناردووە و داوای لە بەرپرسانی ئیداری و دارایی سلێمانی كردووە كە تەمویلی مووچەی فەرمانبەران بكەن بەبڕی ١٨١ ملیار دینار، لەكاتێكدا داھاتی ناوخۆی پارێزگاكە تا ئەمڕۆ و لەم مانگەدا ٣٠ ملیار دینار بووە كە بەو ھۆیەوە كورتھێنانی دارایی بۆ مووچە زیاترە لە ١٥١ ملیار دینار.
پارێزگای سلێمانی و ھەڵەبجە و ئیدارەكانی راپەرین و گەرمیان مانگانە پێویستیان بە ٣٧٥ ملیار دینارە بۆ مووچە، ھەروەھا بۆ دابینكردنی پێداویستییەكانی نەخۆشخانە و پارەی خۆڵ و خاشاك و خەرجی دیكە مانگانە پێویستی بە ٣٨ بۆ ٤٠ ملیار دینارە، واتا پێویستە حكومەتی ھەرێم ٤١٥ ملیار دینار دابین بكات.