دوای تێپهڕبونی دو رۆژ، تائێستا بكوژی هاوڵاتییهكهی باكوری كوردستان له ناو بازاڕی فاملی مۆڵ له دهۆك دهستگیرنهكراوه، نوێنهری پارتی دیموكراتی گهلان (ههدهپه) له ههرێمی كوردستان دهڵێت، ئهو هاوڵاتییه سیاسهتمهدار بوه و "بههۆی كاری سیاسیییهوه كوژراوه"، دهشڵێت، "فشاری زۆری توركیامان لهسهره و به ناچاری له ههرێم ماوینهتهوه".
ئاوێنە: موسا خالید، نوێنهری پارتی دیموكراتی گهلان (ههدهپه) له ههرێمی كوردستان ئهمڕۆ چوارشهممه له كۆنگرهیهكی رۆژنامهوانیدا رایگهیاند، 17ی ئهم مانگه سیاسهتمهدارێكی باكوری كوردستان له ناو فاملی مۆڵی دهۆك تیرۆركرا و "جارێكی دیكه هاوڕێیهكمان لهلایهن توركیاوه شههیدكرا، ئهوهش لهچوارچێوهی ههوڵهكانی ئهو وڵاته كه ماوهی دو ساڵه فشارهكانیان لهسهر ئێمه چڕبوهتهوه".
ئاماژهی بهوهشكرد، "بكوژی هاوڵاتیانی باكوری كوردستان له ههرێمی كوردستان رزگاریان دهبێت و دهچنهوه توركیا، لهكاتێكدا ئێمه دهڵێین ههرێمی كوردستان ئارامه، بهڵام جێگهی پرسیاره كه بكوژهكان رزگاریان دهبێت و بكوژان دهستگیر ناكرێن، لهماوهی دو ساڵیشدا زیاتر له چوار هاوڵاتی باكور شههیدكراون".
نوێنهری ههدهپه نیگهرانی خۆی له پێشوازیكردن له ئیبراهیم تاتڵیساس له شاری ههولێر دهردهبڕێت و دهڵێت، "له ههولێر پێشوازی له خۆفرۆشێك دهكرێت و ئێمهش ئهمڕۆ تهرمی ههڤاڵێكمان له دهۆكهوه رهوانهی توركیا دهكهینهوه، ئهوه ئیهانهیه، وهكو سیاسهتمهداری باكور ڕومان له ههرێمی كوردستان كردوه و پهنابهرین، داوا له حكومهتی ههرێم دهكهین كه هاوڵاتیانمان بپارێزن و هێرشی توركیا له شارهكانی ههرێمی كوردستان بوهستێنن".
كاتژمێر 8:30 خولهكی شهوی 17ی ئهم مانگه، لەناو بازاڕی فاملی مۆڵ له شاری دهۆك هاوڵاتییەک کە خەڵکی باکوری کوردستانە لەلایەن تۆمەتبارێکەوە بەگوللـە کوژرا، ئهوهش یهكهمین روداوی لهو شێوهیه نیه و لهماوهی رابردوشدا له ههولێر و سلێمانی دهستڕێژی گولله له هاوڵاتیانی باكور كراوه.
ههر لهبارهی ئهو دۆسیهیهوه، هێمن سلێمان، وتهبێژی پۆلیسی پارێزگای ههولێر ئهمڕۆ چوارشهممه به خهندان-ی راگهیاند، "تاوهكو ئێستا هیچ زانیاریهكی نوێ نیه و ئهگهر ههر شتێك ههبێت لهسهر دۆسیهكه بڵاویدهكهینهوه"، ئهوهش وهك ئاماژهیهك بۆ ئهوهی كه تائێستا بكوژی روداوهكه و هیچ كهسێكی دیكه دهستگیرنهكراوه.