بەرپرسێكی رێكخراوی یەكێتیی مامۆستایان رایدەگەیەنێت، دوای جەژنی رەمەزان بەدواداچوون بۆ دۆسیەی دەستدرێژیكردنە سەر كچە خوێندكارێكی خوێندنگەیەكی ئەهلی لە ناوچەی عەنكاوەی شاری هەولێر دەكەین و دەشڵێت، “ئەو كارەی ئەنجامدراوە لە دوورە بەها مرۆڤایەتییەكان”.
ئاوێنە: عەبدولواحید محەمەد جێگری سەرۆكی رێكخراوی یەكێتیی مامۆستایانی كوردستان راگەیاند، نیگەرانی خۆمان بەرامبەر ئەو تاوانە دەردەبڕین كە بەرامبەر بە كچە خوێندكارێكی تەمەن 7 ساڵ لە خوێندنگەیەكی ئەهلی شاری هەولێر ئەنجامدراوە.
راشیگەیاند، وەكو یەكێتیی مامۆستایان دوای جەژنی رەمەزان بەدواداچوون لەو دۆسیەیە دەكەین، چونكە كارێكی قێزەونە و ئەوەی ئەنجامدراوە دوورە لە بەها مرۆڤایەتییەكان.
لە چەند رۆژی رابردوودا بڵاوكرایەوە كە لە خوێندنگەیەكی هەولێر دەستدرێژیكرایە سەر كچە خوێندكارێكی تەمەن حەوت ساڵ.