هاوپەیمانی ئیدارەی دەوڵەت رایگەیاند، رۆژی 10ی ئەم مانگە دوا وادە دەبێت بۆ یەكلاییكردنەوەی گفتوگۆكان لەبارەی بڕگەو ماددەكانی بودجە.
ئاوێنە: هاوپەیمانی ئیدارەی دەوڵەت لە راگەیەندراوێكدا وتی، ئەمڕۆ دوشەممە، بە بەشداری سەركردەكانی هاوپەیمانییەكەو ئامادەبونی سەرۆك وەزیران و سەرۆكی پەرلەمانی عێراق، كۆبونەوەی هاوپەیمانییەكە بەڕێوەچوە.
لە كۆبونەوەكە، تاوتوێی دۆسیەكانی حكومەت و پەرلەمان و هەروەها دۆسییەكانی خزمەتگوزاری، ئابوری، ئاسایش و سیاسەت كراوە.
هاوپەیمانی ئیدارەی دەوڵەت رۆژی 10ی ئەم مانگە وەك دوایین وادە بۆ یەكلاكردنەوەی گفتوگۆكان لەبارەی بڕگەو ماددەكانی بودجە دیاریكردوە، جەختیشی لە گرنگی پەسەندكردنی بودجەو دەستپێكردنی پڕۆژەو بەرنامەكانی حكومەت كردۆتەوە.