یەكینەكانی بەرخۆدانی شەنگال(یەبەشە)، رایگەیاند، هێرشەكەی ئەمڕۆی فڕۆكەی بێفڕۆكەوانی توركیا بۆ سەر شەنگال، میوانخانەكەی كردونەتە ئامانج و میوانێكیان كوژراوەو یەكێك لە هاوڕێكانیشیان برینداربوە.
ئاوێنە: یەكینەكانی بەرخۆدانی شەنگال(یەبەشە)، لە راگەیەندراوێكدا وتویەتی"ئەمڕۆ سەرلەبەیانی فڕۆکە بێفرۆکەوانەکانی تورکیا بۆردومانی میوانخانەکەمانیان کرد و لە ئەنجامی هێرشەکەدا یەکێک لە میوانەکانمان گیانی لەدەستدا و یەکێکی تر لە هاوڕێکانمان بریندار بو."
وتوشیەتی"میوانەکەمان کە گیانی لەدەستداوە ناوی سەید عیشورە و خەڵکی خانەسۆرە."
ئاماژەی بەوەشداوە، توركیا ماوەیەکی زۆرە هێرشە ئاسمانییەکانی بۆ سەر شەنگال زیاد کردوەو "ئەم هێرشە بۆ سەر گەلی ئێزدیمان یەکەمین نییە، بنەماو ئامانجی ئەو هێرشانە درێژەپێدەری کۆمەڵکوژیی گەلی ئێزدیمانە."