وەزارەتی دەرەوەی ئەمریكا رایگەیاند، بۆ هەناردەكردنەوەی نەوتی هەرێمی كوردستان، گفتوگۆیان لەگەڵ بەغداو هەولێرو ئەنقەرە كردوە.
ئاوێنە: ڤیدانت پاتێل، جێگری وتەبێژی وەزارەتی دەرەوەی ئەمریکا، رایگەیاند"ئێمە بەردەوامین لە پشتیوانیکردنی دەستپێکردنەوەی هەناردەکردنی نەوتی هەرێمی کوردستان."
جەختیشی كردەوە، لەسەر ئەو پرسە "گفتوگۆمان لەگەڵ بەغدا و هەولێر و ئەنقەرەش هەبوە."
هەروەها لەبارەی پرسی تێپه‌ڕاندنی پڕۆژه یاسای بودجه‌ی عێراق جێگری وتەبێژی وەزارەتی دەرەوەی ئەمریكا،رایگەیاند، له په‌یوه‌ندی به‌رده‌وامداین لەگەڵ لایەنەکان و تێپه‌ڕاندنی بودجه هۆكارێكی سه‌ره‌كییه بۆ خۆشگوزه‌رانی عێراق و هه‌رێمی كوردستان.
ڤێدانت پاتێل وتیشی، تێپه‌ڕاندنی بودجه ده‌بێته هۆی راكێشانی وه‌به‌رهێنانی ئه‌مەریكی و بیانی بۆ عێراق و هه‌رێمی كوردستان.