نوسینگەی عەلی سیستانی، مەرجەعی باڵای شیعەكان لە عێراق رایگەیاند، رۆژی پێنجشەممە یەكەم رۆژی مانگی موحەڕەم و سەری ساڵی نوێی كۆچییە.
ئاوێنە: نوسینگەی عەلی سیستانی، لە راگەیەندراوێكدا وتی، دوای خۆرئاوابونی ئەمڕۆ سێشەممە، مانگ لە عێراق و ناوچەكانی دەوروبەری بەچاوی ئاسایی نەبینراوە، بۆیە سبەی چوارشەممە تەواوكەری مانگی زیلحجە دەبێت.
ئەوەشی خستۆتەڕو، بەوەش رۆژی پێنجشەممە دەبێتە یەكەم رۆژی مانگی موحەڕەم و ساڵی 1445 كۆچی.
ئەوەش لەكاتێكدایە كە ئەمیندارێتی گشتی ئەنجومەنی وەزیرانی عێراق پێشتر رایگەیاند، سبەی چوارشەممە 19/7/2023، بەبۆنەی سەری ساڵی ساڵی نوێی كۆچییەوە، پشوی رەسمییە.
دوێنێش حكومەتی هەرێمی كوردستان رایگەیاند، رۆژی چوارشەممە 19/7/2023، یەكەم رۆژی ساڵی كۆچییەو بەو بۆنەیەشەوە لە تەواوی دامودەزگاكانی حكومەت پشوی رەسمییە.