دەستەی خانەنشینیی نیشتمانیی عێراق رایگەیاند، سبەی سێشەممە، دەستدەكرێت بە دابەشكردنی موچەی مانگی هەشتی خانەنشینانی شارستانی و سەربازی.
ئاوێنە: حیسام عەبدولستار، بریكاری سەرۆكی دەستەی خانەنشینیی نیشتمانیی عێراق، ئەمڕۆ دوشەممە، بە میدیای رەسمی وڵاتەكەی وتوە، سەرجەم ریكارەكانی دابەشكردنی موچەی مانگی هەشتی خانەنشینان تەواوكراون و سبەی سێشەممە 1ی ئاب دەست دەكرێت بە دابەشكردنی موچەی خانەنشیانی شارستانی و سەربازی.
جەختیشی كردۆتەوە، لە پاشنیوەڕۆی سبەینێوە، موچەی خانەنشینان دادەبەزێنرێتە سەر هەژمارەكانیان.