عێراق یەكێكە لە دیارترین ئەو وڵاتانەی زۆرترین زیانی بەركەوتووە بەهۆی وشكەساڵیەوە, وێڕای ئەوەی (70%) سەرچاوە ئاویەكانی لەدەرەوە دێت، كە لەم ساڵانەی دوایدا ئاستەكەی كەمیكردووە.

ئاوێنه‌: وتەبێژی وەزارەتی سەرچاوە ئاویەكانی عێراق بۆ ڕۆژنامەی مەدا دەڵێت: هۆكارێكی كەمبونەوەی ئاو لە عێراق، بەرزبونەوەی پلەی گەرماو قەتیسبونی گەرمیە.

دەشڵێت "حكومەتی عێراق, دۆسیەی ئاوی لە پرسێكی دبلۆماسیەوە كردووە بە پرسێكی سیادی و چاوەڕوانی سەردانەكەی سەرۆكی توركیا دەكەین, كە تیایدا دۆسیەی ئاو دەبێتە ئەولەویەتی گفتوگۆكان".

لای خۆیەوە, جاسم موسەوی, پەرلەمانتاری عێراق دەڵێت: یەدەگی ئاوی گلدارەوەی عێراق خەریكە تەواودەبێت، ئەو  ئاوەی عێراق لە دەرەوەی پێیدەگات بە رێژەی (50%)كەمیكردووە.

هەوڵەكان بووەتە هۆی زیادكردنی بەردانەوەی ئاو لە دەریاچەی كارونی ئێرانی، كە بەشێوەیەكی بەرچاو رەنگدانەوەی هەبووە لەسەر چۆنایەتی ئاو لە كەنداوی عەرەب.