ئەمڕۆ، بەهای ١٠٠ دۆلاری ئەمریکی بەرامبەر بە ١٥٣هەزار و ٧٥٠ دیناری عێراقییە لە بازاڕەکانی هەرێمی کوردستان، لە کاتێکدا ماوەی هەفتەیەک زیاترە بەهای دۆلار نەگەیشتووەتە ئەو ئاستە.
ئاوێنە: بەهای دۆلاری ئەمریکی بەرامبەر دیناری عێراقی ماوەی چەند ڕۆژێکە بەردەوام لە بەرزبوونەوەدایە و نیگەرانی هاووڵاتیانی بەدوای خۆیدا هێناوە، دوێنێ لە سەرەتای کردنەوەی بازاڕ ١٠٠ دۆلاری ئەمریکی بەرامبەر ١٥٢ هەزار دینار ئاڵوگۆڕی پێوەکرا، هاوکات لە کاتی داخستنی بازاڕ بەهای دۆلار گەیشتە ١٥٣ هەزار و ١٠٠ دیناری عێراقی.