ئه‌وه‌یه شه‌رمه‌زاری..!!
شاناز ئیبراهیم ئه‌حمه‌د
2019-03-22
فڕۆکەکانی دەوڵەتی داگیرکەری تورک لەدوێنێ شەوەوە ۳ جار بناری قەندیلیان بۆردومان کردووە بەئامانجی ترساندن و ڕێگری کردن لە بەشداری خەڵکی باشوور بۆ ئاهەنگی نەورۆز لە (قەندیلی قەڵای بەرخۆدان)، خۆشبەختانە ئەو هەوڵه شکستیهێنا، ئەمڕۆکەش لەکاتی سوڕانەوەی هەمان فڕۆکە لەئاسمانی قەڵادزێ (ناپاڵمێک)ی فڕێداوەتە خوارەوە، لەبەردەم فاکەڵتی پەروەردەی قەڵادزێ خۆشبەختانە نەتەقیووەتەوە و کۆمەڵکوژی و کارەساتی نەخوازراوی لێ نەکەوتووەتەوە..!!
ئەوەی جێگەی شەرمەزارییە ئەم هه‌واڵه کە فڕۆکەکانی دەوڵەتی تورک بە (فڕۆکەی نەناسراو) ناودەبرێ و خۆ گێل کردنە لەوەی ئەو فڕۆکانەی ساڵانێکە ڕۆڵەکانی کورد شەهید دەکەن هی کام دەوڵەتن و بە چ ئامانجێک ئاسمانی هەرێمی کوردستان دەبەزێنن ..!!
ئەو ترسە بۆچی؟
هەرباشە نەیاننوسیووە ناپاڵمێک لەو ئاسمانە بەربۆتە خوارەوە و پێدەچێت لەباڵندەیەکی داماوی بەستەزمان بەربۆتەوە..!!
شەرمەزارییە..!!