ئەدهەم بارزانی بە ئامانج گرتنی ماڵی نێچیرڤان بارزانی سەرۆکی هەرێمی کوردستان بە پێشهاتێکی مەترسیدار دادەنێت و دەڵێت "دوورە لەهەر بیرکردنەوەیەکی ئاقڵمەندانە".
ئاوێنە: دەقی پەیامەکەی ئەدهەم بارزانی لەبارەی هێرشەکەی ئەمڕۆی سەر ماڵی نێچیرڤان بارزانی:
بەناوی خوای گەورەو میهرەبان
ئەمڕۆ لە پەرەسەندنێکی نوێی شەڕی ئەمریکا و ئیسرائیل بۆ سەر کۆماری ئیسلامی ئێران کە نزیک دەبێت لە مانگێک، ماڵی بەرێز نێچیرڤان بارزانی سەرۆکی هەرێمی کورستان لە پارێزگای دهۆک بەئامانج گیراوە، کە جێگای سەرسوڕمانەو ئیدانەی ئەو کارە دەکەم".
بەئامانج گرتنی ماڵی سەرۆکی هەرێمی کورستان لە پارێزگای دهۆک لەکاتێکدا کە ناوچەکەو ڕۆژهەڵاتی ناڤین و جیهان بە دۆخێکی هەستیاردا تێپەڕدەبێت، سەرۆکی هەرێمی کوردستان وەک کەسایەتیەک توانیویەتی ڕۆڵ بگێرێت لە نێوان زۆربەی لایەنە جیاوازە سیاسیەکانی ناوخۆی عێراق و زۆر جار سنورە بەرتەسکەکانی حیزبایەتی تێپەڕاندووە”.
پێویستە لەسەر حکومەتی عێراق بەدواداچون بۆ چارەسەرکردنی هێرشەکانی لەم جۆرە بکات و جارێکی تر داواکارین لە حکومەتی ناوەند سەروەری وڵاتەکەی لە ئاسمان و زەوی و ئاوی بپارێزێت لە هەرجۆرە هێرشێک".
ئەدهەم بارزانی
٢٨-٣-٢٠٢٦