نوری مالیکی، سەرۆکی هاوپەیمانی دەوڵەتی یاسا رایگهیاند، بە توندی سهركۆنهی ئەو هێرشانە دهكهم کە ماڵی مەسعود بارزانی سەرۆکی پارتی دیموکراتی کوردستان و نێچیرڤان بارزانی سەرۆکی هەرێمی کوردستانیان کردە ئامانج، ئەم کردەوە تاوانکاریانە "قبوڵكراو نیه".
ئاوێنە: نوری مالیکی ئهمڕۆ یهكشهممه له پهیامێكدا بڵاویكردهوه، "هێرشەکان لە هەرێمی کوردستان کە ماڵی سەرکردەکانی هەرێم، مەسعود بارزانی و نێچیرڤان بارزانی دەکەنە ئامانج، قبوڵ ناکرێت و سهركۆنه دەکرێت بەبێ گوێدانە ئەوەی کێ ئەنجامی دەدات".
ئاماژهی بهوهشكردوه، "ئەو کردەوانە تەنها تاکی دیاریکراو ناکەنە ئامانج، بەڵکو ئاسایش و سەقامگیری عێراق بە گشتی تێکدەدەن و بەشدارن لە لاوازکردنی یەکێتی نیشتمانی".
وەزارەتی دەرەوەی ویلایەتە یەکگرتوەکانی ئەمریکا له راگهیهندراوێكدا باسی لهوهكردوه، "بە شێوەیەکی تەواو ڕون و بە توندی سەرکۆنەی ئەو هێرشە تیرۆریستییە قێزەونانە دەکات کە لەلایەن میلیشیا تیرۆریستییەکانی بریکاری ئێران لە عێراق ئەنجامدراوە".
ئهوهشی خستهڕو، "ئەم کردەوانەی ئێران و بریکارەکانی پەلامارێکی ڕاستەوخۆن بۆ سەر سەروەری و سەقامگیری و یەکگرتویی عێراق".
وهزارهتی دهرهوهی ئهمریكا دهڵێت، "بە شێوەیەکی تەواو ئاشکرا و ڕاستەوخۆ ئەو کردەوە تیرۆریستییە هەڕەمەکی و ترسنۆکانانە ڕەتدەکەینەوە کە ئێران و بریکارە تیرۆریستییەکانی لە هەرێمی کوردستانی عێراق و سەرتاسەری عێراقدا بەرپایان کردوە".
دوێنێ شهممه ژمارهیهك سێ هێرش له ڕێگهی فڕۆكهی بێفڕۆكهوانهوه کرایە سەر شاری دهۆک، یەکێک لە هێرشەکان کرایە سەر ماڵی نێچیرڤان بارزانی، سەرۆکی هەرێمی کوردستان لە دهۆک، روداوهكهش له ئاستی ناوخۆ و دهرهوهدا سهركۆنه كرا.