رهجهب تهیب ئهردۆغان، سهرۆك كۆماری توركیا له پهیوهندییهكی تهلهفۆنیدا لهگهڵ نێچیرڤان بارزانی، سهرۆكی ههرێمی كوردستان، بهتوندی ئیدانهی هێرشه درۆنییهكهی بۆ سهر ماڵی نێچیرڤان بارزانی له دهۆك كردو رایگهیاند، وڵاتهكهی به بایهخێكی زۆرهوه له ئارامی و سهقامگیریی عێراق و ههرێمی كوردستان دهڕوانێت.
ئاوێنه: سهرۆكایهتی ههرێم له راگهیهندراوێكدا وتی، ئێوارەی ئەمڕۆ دوشەممە، نێچیرڤان بارزانی، سەرۆکی هەرێمی کوردستان، پەیوەندییەکی تەلەفۆنیی لە ڕەجەب تەیب ئەردۆغان، سەرۆک کۆماری تورکیاوە پێگەیشت.
بهپێی راگهیهندراوهكه، لە پەیوەندییەکەدا، ئەردۆغان هاوسۆزیی خۆی بۆ نێچیرڤان بارزانی و خانەوادەی ئەو پێشمەرگانه دەربڕی کە لە هێرشەکانی ئەم دوایییەی سەر هەرێمی کوردستاندا شەهید و بریندار بون، ههروهها بهتوندی ئەو هێرشە درۆنییەی سەرکۆنە کرد کە کرایە سەر ماڵی نێچیرڤان بارزانی لە دهۆک.
وهك له راگهیهندراوهكهدا هاتوه، ئهردۆغان دوپاتی کردەوە کە وڵاتەکەی بە بایەخێکی زۆرەوە لە ئارامی و سەقامگیریی عێراق و هەرێمی کوردستان دەڕوانێت و هەمیشە پشتگيرى له ئاسایش و پاراستنى سهقامگيرى له ناوچەکە دەکات.
لای خۆیشییەوە، نێچیرڤان بارزانی سوپاسی پەیوەندییهكهی ئەردۆغان و هەڵوێستى "دۆستانەی تورکیای بۆ هەرێمی کوردستان و عێراق کرد" و دوپاتی کردەوە کە "هەرێمی کوردستان وهك ههميشه فاكتهرى ئارامى دهبێت و ههرگيز نابێتە بەشێک لە جەنگ و گرژییەکان."
بهگوێرهی راگهیهندراوهكه، دوایین پێشهاتەکانی شەڕ و لێکەوتەکانی له ناوچەکە و جیهان، تهوهرێكى ديكهى پهيوهندييه تهلهفۆنييهكه بو؛ تيايدا ههردولا جهختيان له گرنگيى ههوڵه ديپلۆماسييهكان بۆ ڕاوهستاندنى جهنگ و چارهسهرى ئاشتييانهى ناكۆكييهكان كردهوه.