مهسرور بارزانی، سهرۆكی حكومهتی ههرێم رایگهیاند، له پهیوهندییهكی تهلهفۆنیدا لهگهڵ وهزیری وزهی ئهمریكا گفتوگۆیان لهبارهی دۆخی وزه له ههرێمی كوردستان و عێراق كردوهو جهختیشی له پێویستی پاڵپشتی بۆ پاراستنی ژێرخانی وزهو ئابوریی ههرێم و وهستاندنی هێرشهكان بۆ سهر كۆمپانیانی نهوت له ههرێم كردۆتهوه.
ئاوێنه: مهسرور بارزانی، سهرۆكی حكومهتی ههرێم له راگهیهندراوێكدا له لاپهڕهی خۆی له فهیسبوك وتی، ئێوارەی ئەمڕۆ دوشهممه، لە پەیوەندییەکی تەلەفۆنیدا لەگەڵ کریس ڕایت، وەزیری وزەی ویلایەتە یەکگرتوەکانی ئەمەریکا، گفتوگۆمان لەبارەی دوایین گۆڕانکاری و پەرەسەندنەکانی هەرێمی کوردستان و عێراق و بە تایبەتی دۆخی وزە کرد.
ئهوهشی خستۆتهڕو، بڕیاری حکومەتی هەرێمی کوردستان بۆ ڕێگەدان بە هەناردەکردنی نەوت لە ڕێگەی بۆریی هەرێمی کوردستانەوە بۆ بەندەری جەیهانی تورکی، وەک ئاسانکارییەک بۆ کەمکردنەوەی فشار و ئاڵنگارە ئابورییەکان لەسەر عێراق و بازاڕی جیهانیی وزە، بە ئەرێنی هەڵسەنگێنرا.
سهرۆكی حكومهت وتوشیهتی، جەختمان لە پێویستیی بەردەوامبونی هاوئاهەنگی و پاڵپشتی کردەوە بۆ پاراستنی ژێرخانی وزە و ئابووریی لە هەرێمی کوردستان و هەڵگرتنی گەمارۆی بازرگانی و وەستاندنی هێرشە تیروریستییەکان کە دەکرێنە سەر کۆمپانیاکانی نەوت لە هەرێمی کوردستان بۆ ئەوەی بەرهەمهێنان زیاتر بکرێت و هەناردە بکرێت، لهگهڵ پاراستنی سەقامگیری لە هەرێمی کوردستان و عێراق و ناوچەکە بە گشتی.