حكومهتی ههرێم رایگهیاند، تاوهكو 20ی ئهم مانگه 809 هێرشی درۆنی و موشهكی كراونهته سهر ههرێمی كوردستان و بههۆیانهوه 20 كهس شههیدبون و 123 كهسی دیكهش برینداربون.
ئاوێنه: فهرمانگهی میدیاو زانیاریی حكومهتی ههرێمی كوردستان، ئاماری هێرشه درۆنی و موشهكییهكانی بۆ سهر ناوچه جیاجیاكانی ههرێم ئاشكراكرد.
بهپێی ئامارهكه له 28ی شوباتهوه تاوهكو 20ی نیسانی 2026، 809 هێرش كراونهته سهر ناوچه جیاجیاكانی ههرێمی كوردستان و له ئاكامی هێرشهكاندا 20 كهس شههیدبون و 123 كهسی دیكهش برینداربون.
ههر بهگوێرهی ئامارهكه، بههۆی هێرشهكانهوه سهدان هاوڵاتی زیانی ماددی بهر ماڵ و شوێنی کار و ئۆتۆمبێلەکانیان کەوتوە.
وهك له ئامارهكهدا هاتوه، زیانه ماددییهكان لهسهر ئاستی پارێزگاو ئیداره سهربهخۆكان بهم شێوهیهیه:
- پارێزگای هەولێر 726 هاوڵاتی زیان بە ماڵ و خانو و ئۆتۆمبێل و شوێنی کارەکانیان کەوتوە.
- پارێزگاکانی سلێمانی و هەڵەبجە، لە 24 هێرشدا بۆ سەر شوێنی سڤیل دەیان هاوڵاتی زەرەرمەند بون.
- پارێزگای دهۆک، زیاتر لە 13 جار هێرشکراوەتە سەر کۆمپانیای کەرتی تایبەت و زیان بە ماڵی هاوڵاتیان گەیشتوە.
- ئیدارەی سەربەخۆی سۆران، 35 هاوڵاتی بەهۆی هێرشەکانەوە زیان بە ماڵ و خانو و ئۆتۆمبێل و شوێنی کارەکانیان کەوتوە.