محهمهد حاجی مهحمود، سهرۆكی پارتی سۆسیال دیموكراتی كوردستان پێی وایه، گۆڕانكارییهكانی ناوچهكه لهدهوری كورد دهخولێنهوه بهڵام كورد دهستهوهستانهو خهریكی ململانێی ناوخۆییه. دهشڵێت، گرنگه ههوڵهكان چڕبكرێنهوه بۆ كاراكردنهوهی پهرلهمانی كوردستان.
ئاوێنه: محهمهد حاجی مهحمود، سهرۆكی پارتی سۆسیال دیموكراتی كوردستان، له پهیامێكدا له تۆڕی كۆمهڵایهتی فهیسبوك رایگهیاند، ئهمڕۆ دوشهممه، سهردانی مهڵبهندی حزبهكهی كردوه له ههڵهبجهی شههیدو له كۆبونهوهیهكدا لهگهڵ كادرانی حزبهكهی باسی بارودۆخی سیاسی کوردستان، عێراق و ناوچەکەی كردوه.
محهمهد حاجی مهحمود وتویهتی، "گۆڕانکارییەکانی ناوچەکە لە دەوری کورد دەخولێنەوە، کەچی کورد دەستەوەستانەو سەرقاڵە بە ململانێی نێوخۆییەوە."
وتوشیهتی"بۆیە بەگرنگمان زانی بۆ دەربازبون لەو دۆخە چەقبەستوەی بەرۆکی هەرێمی گرتوە، هەوڵەکان چڕبکرێنەوە بۆ کاراکردنەوەی پەڕلەمان کە ئەوەش ڕێخۆشکەر دەبێت بۆ ڕێککەوتن و پێکهێنانی کابینەی نوێی حکومەت."
ئاماژهی بهوهشداوه "هەروەها جەختمان لە سیاسەتی نەگۆڕی حزبی سۆسیال دیموکراتی کوردستان کردەوە کە پشتیوانە بۆ ئاشتی و یەکگرتویی و بەپێچەوانەوە هەرگیز لەگەڵ شەڕ و دوبەرەکی نییە.