د. عەبدولـلەتیف سهلهفی، یەکێک لە رێبەرانی رەوتی سەلەفی لە کوردستان رایدهگهیهنێت، ئهوهی لهدژی ههیه، ههڵمهتێكی "رێكخراوه كه چهند تۆڕیكی پیس" و "ههڵگری بیری داعشی" له دهرهوهی وڵات و "كهسانێكی لادهر" له ناوهوهی وڵات بهڕێوهی دهبهن کە "نهێنی هەندێک لە کچانیان لایە" و "ئەمەیان وەک کارتی فشار لەسەریان بەکارهێناوە بۆ ئەوەی بوختانم پێ بکەن" و "هەروەها هەڕەشەی ئابڕوبردنیان لێکردون ئەگەر شایەتیم لەسەر نەدەن!". دهشڵێت، ئامادهم بچمه بهردهم دادگا.
ئاوێنه: د. عەبدولـلەتیف سهلهفی، یەکێک لە رێبەرانی رەوتی سەلەفی لە کوردستان، كهمێك لهمهوبهر راگهیهندراوێكی لهبارهی ئهو قسانه بڵاوكردهوه كه دهوترێت "فێڵی له چهند قوتابییهكی كچ كردوهو گێچهڵی پێكردون."
ئاوێنه: د. عەبدولـلەتیف سهلهفی، یەکێک لە رێبەرانی رەوتی سەلەفی لە کوردستان، كهمێك لهمهوبهر راگهیهندراوێكی لهبارهی ئهو قسانه بڵاوكردهوه كه دهوترێت "فێڵی له چهند قوتابییهكی كچ كردوهو گێچهڵی پێكردون."
د. عەبدولـلەتیف سهلهفی وتویهتی"سوێند بە خوای گەورە، ئەو خوایەی بە نهێنی و شاراوەکان دەزانێت، کە ئەم تۆمەتانە درۆن و بوختانن."
ئاماژهی بهوهشداوه "ئەوەی ڕویدا..هەڵمەتێکی بەرنامەبۆداڕێژراو و ڕێکخراوە کە چەند تۆڕێکی پیس لە دەرەوە دەیبەن بەڕێوە کە هەڵگری بیری داعشى و ئیلحادییە کە بەرژەوەندییەکانیان لەگەڵ تەکفیرییەکاندا یەکی گرتووەتەوە."
ئاماژهی بهوهشداوه "لە ناوەوەش کەسانێکى لادەر کە لە ڕووی عەقیدە و ئایینەوە پێچەوانەی منن، کە نهێنی هەندێک لە کچانیان لایە، بۆیە ئەمەیان وەک کارتی فشار لەسەریان بەکارهێناوە بۆ ئەوەی بوختانم پێ بکەن بۆ شێواندنی ناوم و لەکەدارکردنی بانگەوازەکەم. هەروەها هەڕەشەی ئابڕووبردنیان لێکردون ئەگەر شایەتیم لەسەر نەدەن!"
له راگهیهندراوهكهیدا، عهبدوللـهتیف سهلهفی پهیامێكی ئاڕاستهی دهسهڵاتداران كردوهو وتویهتی"من سەرسامییەکی زۆرم هەیە بەرامبەر بەم بێ دەنگییەتان لەسەر ئەم هەڵمەتە قێزەونانە، کە لەلایەن کەسانێکەوە ئاراستە دەکرێت کە بە ئاشکرا کافرتان دەکەن و خەڵک لە دژتان هان دەدەن. كەچى ئێوە بێدەنگیتان هەڵبژارد لە بەرامبەر ستەم و دەمدرێژییەکەی، بگرە کارەکە گەیشتە ئەوەی هەندێک لە ماڵپەڕ و سەکۆ ڕاگەیاندنە سێبەرەکان ژەهرەکانیان دەگوازنەوە و بونەتە مینبەرێک بۆ بڵاوکردنەوەی بوختانەکان."
ههروهك پهیامێكیشی بۆ "تێوەگلاوانی ئەم هەڵمەتە لە ناوخۆ و دەرەوە" ناردوهو وتویهتی"خۆتان چاک ئەزانن کە ئێوە جۆرەها درۆ و بوهتان و ناوزراندن و ستەمتان کرد، کە لە سزای خوای گەورە ڕزگارتان نابێت ان شاء الله، پاشانیش لە ڕێکاری یاسایی."
ههروهها داواشی لە دەسەڵاتی دادوەری كردوه "بەپەلە و بەوپەڕی دادپەروەردی و ئینسافەوە مامەڵە لەگەڵ ئەم کەیسەدا بکات"و وتوشیهتی"منیش بەتەواوی ئامادەم بۆ ئەوەی بچمە بەردەم دادگای بەڕێز، بۆ ئەوەی بە دەرکەوێ ئەو (کچە) کێیە کە بە درۆ و ساختەکاری و لە ژێر فشاردا دەیانەوێت بیكەن بە قوربانییەکی خەڵەتێنراو!"
لهگهڵ ئهوهش وتویهتی "من دادپەروەری لەوەدا نابینم کە لە ژورێکی داخراو و بەنهێنی، پێشوازی لە هەر ناحەز و بەکرێگیراوێکی نەفسنزم و خۆفرۆشێک بکرێت، بێ ئاگاداریی دایک و باوک و کەسوکاریان و بێ ئامادەبونی من، درۆ و بوختانم بۆ هەڵببەستن. بەڵکو دادپەروەری ڕاستەقینە لەوەدا ئەبینم کە ئەگەر کەسێک سکاڵایەکی هەیە، ئەوا بەئاشکرا و بە ئامادەبونی باوکی ڕوبەڕوم ببێتەوە و لە دادگادا یەکلایی بکرێتەوە."
دهقی راگهیهندراوهكه:
بسم الله الرحمن الرحيم
ئاگاداری ئەو تۆمەتە مەترسیدار و ناڕەوایانە بووم کە لە تۆڕە کۆمەڵایەتییەکان بڵاوکراونەتەوە، لەلایەن یەکێک لە بەکرێگیراوانی بیری داعشییەوە، کە گوایە من فێڵم لە چەند قوتابییەکی کچ کردووە لە کۆلێژەکە و گێچەڵم پێکردوون! لەسەر ئەوەش، شەپۆلێکی گەورەی ناوزڕاندن و تانەدان لە ئابڕوو و کەرامەتم دەستی پێکرد، وەک ئەوەی ئابڕووی خەڵک حەڵاڵ کرابێت بۆ هەر درۆزن و پڕوپاگەندەکارێک.
لە بەرامبەر ئەم زوڵمە ئاشکرایەدا، پێم باشە ئەم خاڵانەی خوارەوە ڕوون بکەمەوە:
یەکەم: سوێندخواردن
سوێند بە خوای گەورە، ئەو خوایەی بە نهێنی و شاراوەکان دەزانێت، کە ئەم تۆمەتانە درۆن، و بوختانن.
دووەم: ڕاستی پیلانەکە و ڕەهەندەکانی
ئەوەی ڕوویدا تەنها ڕەفتارێکی کەسی نەبوو، بەڵکو —بەپێی خێرایی زۆر لە بڵاوکردنەوە و گەورەکردنی— هەڵمەتێکی بەرنامەبۆداڕێژراو و ڕێکخراوە کە چەند تۆڕێکی پیس لە دەرەوە دەیبەن بەڕێوە کە هەڵگری بیری داعشى و ئیلحادییە کە بەرژەوەندییەکانیان لەگەڵ تەکفیرییەکاندا یەکی گرتووەتەوە..
لە ناوەوەش کەسانێکى لادەر کە لە ڕووی عەقیدە و ئایینەوە پێچەوانەی منن، کە نهێنی هەندێک لە کچانیان لایە، بۆیە ئەمەیان وەک کارتی فشار لەسەریان بەکارهێناوە بۆ ئەوەی بوختانم پێ بکەن بۆ شێواندنی ناوم و لەکەدارکردنی بانگەوازەکەم. هەروەها هەڕەشەی ئابڕووبردنیان لێکردوون ئەگەر شایەتیم لەسەر نەدەن!
ئامانجی سەرەکی لە پشت ئەم هاوپەیمانییە پیسەوە، تیرۆرکردنی مەعنەوی کەسایەتیمە، و شێواندنی بانگەوازەکەمە، وە تۆقاندنی هەر دەنگێکی ئازادە کە پێچەوانەی ڕێبازە توندڕەوەکەیان بێت.
سێیەم: پەیامێک بۆ گشتی موسڵمانان:
ئەرکی گشتی موسڵمانان چییە: ئایا بەرگریکردنە لە ئابڕووی موسڵمانان، و هاوکاری نەکردنی ستەمکارە لەسەر ستەمەکەی؟ یان دڵخۆشبوونە بە ئابڕووچوون، و بەشدارى کردنە لە جوێن و تەشهیر پێ کردن و گەورەکردنی چیرۆکەکان، و کردنی داعشێک بە پێشەوا و چاوساغ، تا وای لێهاتووه خائین بووەتە جێی متمانە، و درۆزنيش بووەتە ڕاستگۆ ، و کەسانی بێنرخ و هیچنەزان بوونەتە وتەبێژ؟!
چوارەم: پەیامێک بۆ دەسەڵاتداران
من سەرسامییەکی زۆرم هەیە بەرامبەر بەم بێ دەنگیەتان لەسەر ئەم هەڵمەتە قێزەونانە، کە لەلایەن کەسانێکەوە ئاراستە دەکرێت کە بە ئاشکرا کافرتان دەکەن و خەڵک لە دژتان هان دەدەن. كەچى ئێوە بێدەنگیتان هەڵبژارد لە بەرامبەر ستەم و دەمدرێژییەکەی، بگرە کارەکە گەیشتە ئەوەی هەندێک لە ماڵپەڕ و سەکۆ ڕاگەیاندنە سێبەرەکان ژەهرەکانیان دەگوازنەوە و بوونەتە مینبەرێک بۆ بڵاوکردنەوەی بوختانەکان
پێنجەم: پەیامێک بۆ زانایان و بانگخوازان: سوپاس و پێزانینی بێپایانم پێشکەش دەکەم بە هەموو ئەوانەی بەرگرییان لە كەسایەتى براکەیان کرد، و گومانی باشیان برد، وە بوونە بەربەستێکی پتەو لەبەردەم لێشاوی بێ ڕێزى کردن، وە قبوڵیان نەکرد ببنە پردێک بۆ گواستنەوە و بڵاوکردنەوەیان.
شەشەم پەیامێک بۆ دەستەی مامۆستایانی کۆلێژ و قوتابیان
برا و خوشکەکانم، بە دڵنیاییەوە بزانن کە ئەم بابەتە لە تاریکیدا پلانی بۆ داڕێژراوە، وە فێڵێکی پیسە کە نەک تەنها کەسایەتی من، بەڵکو ناوبانگ و پێگەی کۆلێژەکە و ناوبانگی گشتی ئێوەی کردووەتە ئامانج. ئێوە هەمووتان لە نزیکەوە دەمناسن، و سەرۆک بەشە بەڕێزەکانى كۆلێج شایەتحاڵن لەسەر ئەوەی کە زۆرینەی قوتابیان داوایان کردووە من وانەیان پێ بڵێمەوە، و ئارەزوویەکی زۆریان بۆ ئەوە هەبووە، و واژۆکانیان لەم بارەیەوە باشترین شایەت و بەڵگەیە لەبەردەستتاندا؛ بۆیە وریا بن و هەرگیز فریوی قسەی پڕوپووچی کەسانێک مەخۆن کە هەمووتان کافر دەکەن و هەوڵی شێواندنی ناوبانگی ئەم دامەزراوەیە و سەرجەم کارمەندەکانی دەدەن.
حەوتەم: پەیامێک بۆ تێوەگلاوانی ئەم هەڵمەتە لە ناوخۆ و دەرەوە:
خۆتان چاک ئەزانن کە ئێوە جۆرەها درۆ و بوهتان و ناوزراندن و ستەمتان کرد، کە لە سزای خوای گەورە ڕزگارتان نابێت ان شاء الله، پاشانیش لە ڕێکاری یاسایی. لەم سۆنگەیەوە، داوا لە دەسەڵاتی دادوەری دەکەم بەپەلە و بەوپەڕی دادپەروەردی و ئینسافەوە مامەڵە لەگەڵ ئەم کەیسەدا بکات؛ بۆ ئەوەی خيانەتکارە فێڵبازەکان لەو کەسە جیاببێتەوە کە زوڵم و بوختانی پێکراوە، وە بۆ ئەوەی تەواوی ئەو دەستە لادەرو داعشیانە ئاشکرا ببن کە لە پشت ئەم فیتنە بەرنامەبۆداڕێژراوەوەن.
منیش بە تەواوی ئامادەم بۆ ئەوەی بچمە بەردەم دادگای بەڕێز، بۆ ئەوەی بە دەرکەوێ ئەو (کچە) کێیە کە بە درۆ و ساختەکاری وە لە ژێر فشاردا دەیانەوێت بیكەن بە قوربانییەکی خەڵەتێنراو!
وە من دادپەروەری لەوەدا نابینم کە لە ژوورێکی داخراو و بە نهێنی، پێشوازی لە هەر ناحەز و بەکرێگیراوێکی نەفس نزم و خۆفرۆشێک بکرێت، بێ ئاگاداریی دایک و باوک و کەسوکاریان وه بێ ئامادەبونی من، درۆ و بوختانم بۆ هەڵببەستن.
بەڵکو دادپەروەری ڕاستەقینە لەوەدا ئەبینم کە ئەگەر کەسێک سکاڵایەکی هەیە، ئەوا بە ئاشکرا و بە ئامادەبوونی باوکی ڕووبەڕووم ببێتەوە و لە دادگادا یەکلایی بکرێتەوە.»
لە کۆتاییدا دەڵێم هەموو کێشەکان دەچنە بەردەم دادوەری ئەرزو ئاسمان : ﴿وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنقَلِبُونَ﴾
د. عبداللطيف أحمد