وته‌بێژی وه‌زاره‌تی نه‌وتی عێراق رایده‌گه‌یه‌نێت، داهاتی نه‌وتی عێراق له مانگی رابردودا، ژماره‌یه‌كی پێوانه‌یی تۆماركردوه‌و نزیكه‌ی 7.7 ملیار دۆلار بوه.
ئاوێنه: سەلیم رکابی، وتەبێژی وەزارەتی نەوتی عێراق، ئه‌مڕۆ چوارشه‌ممه، له چاوپێكه‌تنێكدا له‌گه‌ڵ كه‌ناڵی "دیجله"، رایگه‌یاند، سەردانەکەی سەرۆک وەزیران بۆ ئەمریکا سەرکەوتو بو لە راكێشانى وەبەرهێنان بە بڕی زیاتر لە 200 ملیار دۆلار، گۆڕانکاری لە مەرجەکانی گرێبەستەكانیشدا كراوە لە گرێبەستی "خزمەتگوزارییەوە" بۆ رێکەوتنی "هاوبەشی" لەگەڵ کۆمپانیا گەورە جیهانییەکانی وەک شیڤرۆن و ئێکسۆن مۆبیل.
سەلیم رکابی ئاشكراشیكرد، عێراق لە مانگی ئەیلولدا داهاتی پێوانەیی بەدەستهێناوە کە 7.7 ملیار دۆلار بوە كه له‌و مانگه‌دا 90 ملیۆن بەرمیل نه‌وت و به‌رۆژانه‌ی 3 ملیۆن به‌رمیل هه‌نارده كراوه.
وتیشی، تێكڕای نرخی به‌رمیلێك نه‌وت 63 دۆلار بوه.
هێمای بۆ ئه‌وه‌ش كردوه، عێراق كارده‌كات بۆ كڕینی كه‌شتی نه‌وتهه‌ڵگر.
ئه‌وه‌شی خسته‌ڕو، ئۆپیك ره‌زامه‌ندی ده‌ربڕیوه له‌سه‌ر داوایه‌كی عێراق بۆ تاوتوێكردنی زیادكردنی پشكه‌كه‌ی له هه‌نارده‌ی نه‌وت.