داواكاری گشتی سوید، ئەمڕۆ چوارشەممە، دوای زیاتر لە سێ دەیە، بكوژی ئۆلۆف
پاڵمێ، سەرۆك وەزیرانی پێشوتری وڵاتەكەی ئاشكراكرد.
ئاوێنە: بەگوێرەی هەواڵێكی بی بی سی، داواكاری گشتی سوید رایگەیاندوە:
ئۆلۆف پاڵمێ كە ساڵی 1986 لە ستۆكۆڵم كوژرا، بكوژەكەی ناسراوەتەوە.
بەپێی قسەی داواكاری گشتی سوید، بكوژەكە ناوی "ئاتیگ ئەنگسترۆم"ەو
لەساڵی 2000دا خۆی كوشتوەو بەوەش كەیسی كوژرانی سەرۆك وەزیرانی پێشوتری سوید،
داخرا.
ساڵی 1986 ئۆلۆف پاڵمێ، لە گەڕانەوەیدا لە
سینەماوە بۆ ماڵەكەی لەگەڵ هاوسەرەكەیدا لە شاری ستۆكۆڵم، لە پشتەوە فیشەكێك
نرا بەسەریەوەو كوژرا. فیشەكەكە لەو جۆرانە بوە كە لەناو ئامانجەكەدا دەتەقێتەوە.
ئۆلۆف پاڵمێ، لە ساڵی 1969 تاوەكو 1976
سەرۆك وەزیرانی سوید بو، ساڵی 1982 جارێكی تر پۆستی سەرۆك وەزیرانی سویدی
بەدەستهێنایەوەو تا كوژرانی لەو پۆستەدا مایەوە.