وەزارەتی خەزێنەی ئەمریكا سزای بەسەر تۆڕێكی نێودەوڵەتی قاچاخچێتی نەوتدا سەپاند، كە پاڵپشتی لە حزبوڵا و سوپای قودسی ئێران دەكات، سزاكەش دەیان كەس و كۆمپانیا و تانكەری كردە ئامانج لە كاتێكدا واشنتۆن هەوڵی زیادكردنی فشارەكانی بۆ سەر تاران دەدات.
ئاوێنه: وەزارەتی خەزێنەی ئەمریكا لە ڕاگەیەنراوێكدا بڵاویكردەوە، ئەندامانی ئەو تۆڕە ئاسانكارییان بۆ بازرگانی نەوت كردووە و داهاتەكەشی بۆ حزبوڵڵای لوبنانی بووە و لەلایەن ئێرانەوە پاڵپشتی دەكرێت، هەروەها بەشێكیشی بۆ هێزی قودسی ئێران بووە هەردووكیان لەژێر سزاكانی ئەمریكا دان.
ئاشكراشیكردووە، كە ئەو تۆڕەی ڕۆژی پێنجشەممە دەستنیشانی كردووە، كەسانی سەرەكی و كۆمپانیاكانن كە تۆمەتباریان دەكات بەوەی تێوەگلاون لە تێكەڵكردنی نەوت بۆ شاردنەوەی نەوتی ئێران لەناو ئەو بارانە و هەناردەكردنی بۆ سەرتاسەری جیهان بۆ پشتیوانی دارایی لە سوپای قودس و حزبوڵا.