وەکو دیار و ئاشکەرایە ئەو دیفاکتوویا نها یا باشۆرێ کوردستانێ هەی، ژبلی وێ چەندێ کو بەرهەمێ خەبات و خوینا هەزارەها شەهید و شۆرەشگێرایە، بەلێ بعەمەلی، ئەو دیفاکتو چێ بو، ژئەگەرا دەسپێکرننا کومپلوتوویەکا (سیاسی جەنگی) یا جیهانا رۆژاڤا بسەرکێشییا ئەمریکا لڕۆژهەڵاتا ناڤەراست کو ئەنجام ژێ ئەوبو دروستبوونا هەرێمەک کوردی فیدرال، لعێراقەکا بناڤ فیدرال و بناڤەرووک تائیفی و لەرزۆک.
هەڵبەت گاڤا توو بەشەکە فیدرالبی ژ دەولەتەک بڤی رەنگی، دێ دهەمان کاوداندا بی ، بەلێ سەخمەراتی وێ چەندێ، هەرێما کوردستانێ شییا دووان بیست ساڵێن ژییێ عێراقا پشتی سەدامی و پشتی حوکمێ بەعس، خۆ جیاوازتر ببینیت لبەشێن دی یێن عێراقێ و بتایبەت دوارێ ئێمناییێدا و وێ چەندێ وەکر کو هەرێما کوردستانێ ببیت وێزگەیەک ئامن بو سەدان رێکخراو ئاژانس و کونسلگەریین وەڵاتێن جیهانێ..
ئاریشێن ئابۆری و سیاسیێن نافخۆ یێن هەریما کوردستانێ و وێ هەڤرکییا دناڤبەرا هێزێن سیاسیدا هەی لئالیەکی، و ژئالییەکێ دیڤە نەرازیبونا خەلکی ل بەرامبەر خزمەتگۆزاری و لبەرامبەر وان ناکوکییێن سیاسی کو دبنە مەترسی لسە قەوارا هەرێمێ و پاشەڕۆژاوێ یا نەدیار وەکر ،کو ئەڤ بابەتە و ئەڤ مەترسییە ببیتە جهێ هۆشداریێ بو هێزێن سیاسی و بو سەرکردێن هەریمێ ژلایێ پەرپرس و کونسلێن دوەلەتێن جیهانێ، کو سەرکردێن کورد و هێزێن سیاسی یێن کوردی لخۆ بزڤرن و هەست بمەترسییا بکەن و ئەڤ هەلویستە بو ئەگەر کو وان هێزێن کوردی زویرو نارازیکەت و وان بدووروییی بناڤبکەن.
گەلو دڤێرێدا دوو رویی چ دگەهینیت؟ ئایا مەرم ژێ ئەوە کو دوەلەتێن زلهێزو نوێنەرێن وان لکوردستانێ ئەڤە بیست سالە بمەبەست، دەرەوا ژبۆ جانکرنا کوردستانێ دکەن؟
خێرە ئەڤرو چارەنڤیسێ هەرێمێ رەش دبینن و بەحسێ گەندلی و خۆپەرستییا دەستهەڵاتدارێن وێ دکەن!
لهەرێما کوردستانێ گەلەک ژ روشەنبیر و هزرمەند، ئەڤرۆ گاڤا ڤێ چەندێ شرۆڤەدکەن و لشوینا( کەری دێ بەزنە کورتانی) و دێ گونەها مەزن کەنە ستۆیێ وانا ئەوێن رەخننا لکوردستانێ دکەن و بڤی رەنگی شڕوڤەدکەن کو ئەڤە بیست ساڵە ئەو خەفکێ لبەر دەستهەڵاتدارێن کوردستانێ دانن، ھەتا ئەو گەلەک پارا ببنە بانکێت وانا و پروژا لدەف وان چێکەن کو دەمێ ڤیان ھەمیا بلوک بکەن ، ئو دوەلەتێن روژئاڤا بشێوەیەک گشتی ئەڤە ئێک ژ ستراتیجیا وانە ، دێ ئاسان کاریێ کەن بو گەندەلیێ ھەتا پارێت باش کوم دبن لبن دەستێ وان، دویڤدا دێ ھەزار تشتا دەرئێخن و مەرەم ژێ دەست دانە لسەر وان پارا، ئەڤە چەندە راستە، بەلێ یا نیڤەروویە ژبەرکو بانکێن واندەولەتان دڤەکرینە بۆ دزو گەندەلێن تەڤ جیهانێ و کارێن وان بانکان و وان دەوڵەتان نە چارەسەرکرنا دەرون نساخییا سەرکردە و رێبەرین وان دەوڵەتانن ئەوێن بدزی و تالانێ سەروەت و سامانیێن وەڵاتێن خۆ دەبەن و دەینن وان بەنکان.
سەبارەت هەرێما کوردستانێ، راستییا بابەتی ئەڤەیە، گافا بەرپرسێن وان دەولەتا ئەوێن لکوردستانێ دژین . میهرەبانی یا خەلکێ کوردستانێ لنزیکڤە دبینن بدلپێڤە بوونڤە بوی خەلکی، ئەو ڤان بووچوونا دەدەن و ڤان گللەییا د کەن ،بتنێ داکو خەلکێ هەرێما کوردستانێ هشیارکەن.