یەکەم:
بەڵای گەورەی ئێمەو مانەوەی ستەمکاری و مۆدێلی چەتەیی ھەردووپارتخێڵ زۆرینەی دەستەبژێری کۆمەڵگایە، کەشێرپەنجە و مۆرانەی کۆمەڵگان بەدینی ونادینییەوە، بۆیە دەستەبژێری حاکمیش تەنیاشەھوەتی دەسەڵات و حەزی مانەوە ئاڕاستەیاندەکات.
دووەم:
چەند دیداری ئابوری دێڵفی چەند مانگی ڕابردووی قوباد تاڵەبانی بۆسلێمانی خێریدایەوە، لوتکەکەشی ھەرئەوەندە کەڵکی دەبێت.
ئاخ میللەتی یادگە(زاکیرە) لاواز، لەخۆڕانییە شێرکۆی مەزن لەشیعری زیندووی مردوودا دەڵێت:
دووھەزارو پێنجسەد ساڵە
باوێشک ئەدەین
ھێشتا تەواو تێرخەونەبووین
........
دڵنیام بەشی زۆری ئەوانەی لە دیداری دێڵفی وێنەیان چرکاند، لەدیداری لوتکەش چرکاندیاند، بەبێ ئەوەی بپرسن لەنێوان ئەم دووانەدا چی لەبەرژەوەندی خەڵک گۆڕا؟
سێیەم:
من لەجیاتی کادرەڕەسەن وماندووەکانی پارتی ویەکێتی بم، لەدژی (مەسعود بارزانی، بافڵ تاڵەبانی، مەسرور بارزانی، نێچیرڤان بارزانی، قوباد تاڵەبانی ) ڕادەپەڕم، لەپای ئەوەی ئەوەندە گرنگی بەکەسانی ناجێگیروھەرڕۆژەی لەئاوازێک دەدەن، ئاخر ئەم توخمانە، ئەگەر خێرێکیان ھەبوایە، لەجێی خۆیان دەیانبوو.
دەگێڕنەوە لەشاخ پێشمەرگەیەک دەلێت من لەم کەرتە نقڵدەبم، فەرماندەی کەرتەکەی دەلێت بۆ؟ دەڵێت: ئەم کەرتە چالاکی نییەو کەرتێکی عەسکەری نییە.
فەرماندەکەی قسەخۆش دەبێت دەلێت: دیارە ئەم کەرتەی ئێمە پۆلیسییە وبۆی دەنووسێت ئێمەسوودمان لێنەبینی ھیوادارین ئێوە خێری لێببینن!
چوارەم:
سوپاس بۆ شاعیری شەھیدی دەستی دەسەڵاتی کوردی، کە ھەرزوو زۆر پێش(ئالان دۆنۆ ) پەسنی سەردەمەکەی کردو پێیوتین:
ئەم سەدەیە
سەدەی دۆلارو قەحبەیە
قەحبە جاڕ قەحبە جاڕ