بەهۆی خراپی كەش و هەوا، لە شەش پارێزگای عێراق پشووی فەرمی ڕاگەیەندرا و سەرجەم ناوەندەكانی خوێندنیش دەگرێتەوە.
میدیا عێراقیەکان بڵاویانکردەوە، ئەمڕۆ بەهۆی بارینی بارانی بەخوڕ و خراپی كەش و هەواوە، لە شەش پارێزگای عێراق پشووی فەرمییە و پارێزگاكانیش بریتین لە نەجەف، زیقار، دیوانییە، میسان، سەڵاحەددین، موسەننا.
ئاماژە بەوەشکراوە، بەپێی ئەو دەسەڵاتەی لەلایەن حكوومەتی عێراقەوە دراوە بە پارێزگارى شارەکانى عێراق، دەتوانرێت بۆ هەر كەشێكی نەخوازراو، پشووی فەرمی لە سنورى ئیدارەى خۆیان ڕابگەیەنن.
ئەوەش لەکاتێکدایە، ماوەى چەند ڕۆژیکە شەپۆلێکى بارانبارین ناوچەکانى هەرێمى کوردستان و عێراقى گرتوەتەوە و شارەزایانى بوارى کەشناسیش لەبارەى دروستبوونى لافاو لە هەندێ شوێن هۆشدارى دەدەن.