كەشناسی هەرێم هۆشداری لە شەپۆلێكی باران بارینی بەهێز و ئەگەری درووستبوونی لافاو دەدات، پارێزگاری هەولێریش لەبارەی ئەگەری ڕاگەیاندنی پشوو ڕوونكردنەوە دەدات.
ئەمڕۆ یەكشەممە 19-11-2023 ئومێد خۆشناو پارێزگاری هەولێر، ڕایگەیاند،" تاوەكو ئێستا هیچ بڕیارێك بۆ ڕاگەیاندنی پشووی سبەینێ دووشەممە نییە".
ئاراس جەبار، شارەزای كەشناسی ڕایگەیاندووە،"تاوەكو سبەینێ دووشەممە، ئەگەری هەستانی لافاو هەیە، بەتایبەت لە ناوچەكانی سنووری قەزای ئامێدی،ئاكرێ،بارزان،شیلادزێ،سەنتەری پارێزگای هەولێر و دەورووبەری ئیدارەی سۆران".