دیموكراسیەت لەتوركیادا بردیەوە
نەوزادی موهەندیس
2019-06-23 1140
دوای دوبارە پڕۆسەی هەڵبژاردنەوەی شارەوانی ئەستانبوڵ لەئەمڕۆدا 23/6/2019داو جیاكردنەوەی بەشی هەرەزۆری دەنگەكان 98% دەركەوت كە:
ئه‌كرم ئیمام ئۆغڵو كاندیدی جەهەپەو دیموكراسیخوازەكانی توركیا زیاد لە 54%ی دەنگەكانی بەدەستهێناوە. بن علی یەڵدرمی سەر بەئاكاپەو ئەردۆگان نزیكەی 45%ی دەنگەكانی وەدەستهێناوە.
بەمشێوەیە دۆڕِان‌و شكستێكی گەورە بەر ئەردۆگان‌و ئاكەپە كەوتەوەو دڵنیام كە لەئایندەشدا گورزی گورچكبڕی تریشی بەردەكەوێت لەلایەن ئەوروپاو ئەمریكاشەوە.
ئەردۆگان بەهۆی غروری سیاسی و هەڵپەی دەسەڵات و بەهێزبونی و خۆشەویستی بۆ پۆست و پلەو ناونیشان، ئەم هەموو شكستانەی بەسەر خۆی و حیزبەكەشیدا هێنا.
ئەردۆگان ڕاستگۆ نەبوو لەگەڵ سەركردەو هاوڕێكانیدا لەئاكەپە لەنمونەی عبدوالله گویل و ئه‌حمد داود ئۆغڵو و كەسانی تر.
ڕاستگۆ نەبوو لەگەڵ جەماوەرەكەی ئاكاپەو بەڵێنەكانیدا.
ئەرۆدگان و حیزبەكەی تێوەگلابوون لەگەندەڵی و هێنانە پێشەوەی خزم و كەسوكار و نزیكەكانی ئەمەش ئەنجامی غروری سیاسی و هەڵە و گەندەڵی سیاسیە بۆ كەسایەتیە سیاسیەكان.
به‌دڵنیایی ده‌نگی كورد كاریگه‌ری باشی هه‌بوه بۆ بردنه‌وه‌ی نوینه‌ری جه‌هه‌په.
پیرۆزە لەهەموو دیموكراسیخوازانی دونیاو نەفرەت لەتاكڕەوو خۆسەپێن و پلەو پۆست زیستەكان.