⭕️شار جێی هەموو شتێكی تێدادەبێتەوە،بەڵام ناكرێت هەموو بوارێكی كەلتوری وئەدەبی وفەرهەنگی لە پاشكەشێدابێت ،قونبادان بۆ ژمارەیەك لۆتی وسەرگرتن بۆ لەفەی گەسی گۆشتی مەسڵەحە و لەپاڵیدا كەناڵیی ئاسمانی بودجەی گەورە تەرخانبكات بەس بۆ نیشاندانی چالاكییەكی بێ مانا وبێ ئامانج لەم شارەدا.
⭕️ئەمەی دەكرێت شكاندنی شارە ،شكاندنی سلێمانییە،چالاكییە گەورەكان وكۆنفرانس و دیدارە سیاسی وكەلتوریی وهونەرییەكان بۆ هەولێر ودهۆك ،لەبەرامبەردا كێبڕكێی لەفە و برنج خواردن و شاجوانی پشیلە بۆ ئەم شارە ،ئەمە بەرنامەداڕێژراوە بۆ سوكردنی سیمای سلێمانی.
⭕️ سلێمانی لەهەر بوارێكدا پاشكەشێ بكات یەكێتی بەرپرسە لەبەرئەوەی دەسەڵاتی سیاسیی وجوگرافیایی وهێز لێرە بەدەست ئەوە .
ئایا تەنها نمایشی سەربازیی وگرنگیدان بەهێزە عەسكەرییەكان تەنها جێ بایەخی یەكێتییە لەم شارەدا؟پرسیارێكە دەبێت لەسەرۆكی یەكێتییەوە بۆ كەسانی باڵادەست وەڵامیان پێ بێت.
⭕️ئاخر ناكرێت لەحوجرەكەی نالی ومەحوی و كاك ئەحمەدی شێخ و گەیشتن بە ژیان وپیرەمێرد وگۆران و جەمیل سائب و شێخ نوری و شێخ مەحمەدی خاڵ وهەردی وبرایم ئەحمەد وقانع و روانگە و گەلاوێژ وسەردەم و رەهەندییەكان ،ئێستا تیكتۆكچی ومۆدێل و هەندێ ژەنەراڵی بێ ئەستێرە و مەتعەمچی و لایڤچی نوێنەرایەتی بكەن.
⭕️شار بەعەقڵی یەك ئاڕاستەیی نابرێت بەڕێوەیە ،شار دەبێت هەمووان تێیدا بەشداربێت ،ئێستا هەمووی دانیشێنراوە ،چالاكی فەرهەنگی وهونەری وكەلتوریی چووەتە دوای داوە و ون ونادیارە.ئەمەش كوشتنی هێمنانەی سلێمانییە.
⭕️كە دەمانوسی شار تانەكەوێتە دەستی شارخۆی هەر لەپاشكشێدا دەبێت ، دەیانوت : ئەمە شارچێتیكردنە ،ئێستاش دەینوسمەوە ئەگەر یەكێتی وەك هێزی سیاسیی ئەم شارەی لا گرنگە با جومگە ئیداریی وعەسكەریی وحزبیی ئەم شارە بداتەوە دەستی شار خۆی نەك لەوپەری شارۆچكەی دوز وپردێی خۆشەویستەوە پۆستی پێ رەوا ببینێت ،بەس كە سلێمانی داوای پۆست بكات بەشارچێتی تانەباران بكرێت.
⭕️توخوا بڵێ بە حەزرەتی نالی دەخیلی بم
بەم نەوعە قەت نەكا بەسلێمانی یا گوزەر
سالم وای بەنالی وت ،ئێستاش هەر دەبێت وای پێ بڵێن..