کاتی بایکۆتکردنی پەڕلەمانە

نالی پێنجوێنی
  2020-05-08     762
هەڵگرتنی پارێزبەندیی(حصانة) لەسەر سۆران عومەر، چەند بارەکردنەوەی شکاندنی شۆکی پەڕلەمان و یاساو دامودەستگاکانە. پارتیی ئامادەنەبووەو نییە، ڕێز لەدامودەستگاکان بگرێ ئەگەر بەگوێرەی ویستی خۆی و بۆ پاراستنی بەرژەوەندییەکانی هەڵیاننەسوڕێنێ. 

پێشتر، لەدێگەڵەی سنووری هەردوو زۆنە حیزبییەکە، شکۆی پەڕلەمانی کردە تەنەکەی خۆڵەکە، ڕێگەی لە سەرۆکی پەڕلەمان گرت بچێتە هەولێر. دەمێکە، لەهەرێمی (حیزبۆکراتیی و بنەماڵەیی) شکۆی پەڕلەمان و یاساو دامودەستگاکان دەشکێ، کەسیش هەڵوێستی نەنواند! 

سەرۆکایەتی پەڕلەمان پشکی یەکێتییە، ئەی کوا هەڵوێستی ئەو حیزبە؟ چۆن ڕازی دەبێ شکۆی دەستگایەك کە پشکی خۆیەتی و سەرۆکەکەی لەوانە ئاوا بشکێ؟پارتیی چۆن توانی بێویست و ڕەزامەندی و گەڕانەوە بۆ سەرۆکی دەستگاکە! بڕیاری لەوشێوەیە بدات! یان ڕاستییەکەی ئەوەیە کە پارتیی پەڕلەمانیشی کۆنترۆڵکردووە! هەرچی بڕیارو یاسایەکی بوێ بەئارەزووی خۆی تێیدەپەڕێنێ. 

ئەی کوا ڕۆڵ و شەراکەتی یەکێتیی و گۆڕان؟ کەی بینیتان جێگری سەرۆکی حکومەت(یەکێتیی)، یان وەزیرەکانی گۆڕان، بڕیارەکان بەسەر سەرۆکی ئەنجومەنی وەزیراندا بسەپێنن؟! وەك ئەوەی جێگری سەرۆکی پەڕلەمان(پارتیی) دەیکات!؟ بۆچی یەکێتیی و گۆڕان ئاوا تەسلیمی ئەو واقیعە تاڵەبوون؟! ئەوە چۆن شەراکەتێکە! 

ئێستا کاتی ئەوەیە یەکێتیی و گۆڕان بۆ سەندنەوەی شکۆی شکاویان لەبەردەم خەڵك و دەنگدەرەکانیان، هەڵوێستی جددی بنوێنن، بایکۆتی پەڕلامان بکەن و نەهێڵن پارتیی ئاوتکردنی ئەوانی بۆ بچێتەسەر. 

کاتی ئەوەیە، حیزبەکانی تریش واز لەدرووشم و قسەبهێنن، هەمان هەڵوێستی بنوێنن، بایکۆتی پەڕلەمان بکەن تا کەمێك لای دەنگدەرانیان شکۆیان بۆ بگێڕێتەوە. کاتی خۆی بەدەنگی تەزویرو ساختە، پەڕلەمان پێکهات و ئەوان بێهەڵوێستبوون و دەستەوئەژنۆ لێیدانیشتن و تەسلیمی ئەو واقیعەتاڵەبوون.

بێگومان، پارتیی بۆ سەرقاڵکردنی خەڵك و لایەنەکان و بێدەنگکردنیان لەئاست پێنەدانی موچەو دیارنەمانی پارەی نەوت و پەردەپۆشکردنی شکست و خراپییەکانی دیکەی لەحکومڕانیدا، کەیسی سۆران عومەری هێناوەتەپێشەوە. 

کاتی ئەوەیە لایەنەکان بەیەکەوە هەڵوێستیان هەبێت و ڕێ لەوەبگرن پارتیی ئەو پیلانەی بۆ بچێتەسەر، لەوەزیاتر سووکایەتیی بەیاساو دامودەستگاکان نەکات، حسابێک بۆ شەراکەتی یەکێتیی و گۆڕان بکات. 

پارتیی دەیەوێ لەڕێی بێدەنگکردنی سۆران عومەرەوە هیچ دەنگێکی ڕەخنەگرو بوێر نەهێڵێ، خەڵك و لایەنەکان ببن بەدەروێشی دیوەخانەکەی ئەو. 

کاتی ئەوەیە، خەڵك و لایەنەکان و نوخبەی ڕۆشنبیرو سیاسیی، بێدەنگ نەبن و بەدەنگی بەرز، بەو حیزبە بڵێن، ساڵانێکە، کاپتنێکی شکستخواردووی ئەو کەشتییەیە کە هەموومانی هەڵگرتووە، ئێستا بۆ بەرژەوەندییە حیزبیی و بنەماڵەییەکانی خۆی، خەریکە بەنوقمکردنی دەدات.

وتاری زیاتر

زۆرترین بینراو
سەعدی پیرە: یەكێتی هەڵوێستی لەبارەی بڕیارەكەی پارتی بۆ بەشداری نەكردن لە هەڵبژاردن دەبێت
شاسوار عەبدولواحید: پێشنیار بۆ پارتی و یەكێتی دەكەم ماوەیەك ئۆپۆزسیۆن بن
مه‌كته‌بی سیاسی پارتی: به‌شداری هه‌ڵبژاردنێک ناكه‌ین بە نایاسایی و نادەستوری بەڕێوەبچێت
شه‌ش خاڵ بۆ نه‌بونی متمانه‌ به‌ "هه‌ژماری من" ئاشكراده‌كرێت
مامۆستایانی ناڕازی بۆ دەسەڵاتدارانی زۆنی سەوز: هەژماری من رابگرن و راستەوخۆ لیستی موچە بنێرن بۆ بەغدا
وەزارەتی دەرەوەی ئەمریكا: نیگەرانین لە راگەیەندراوەكەی پارتی بۆ بایكۆتی هەڵبژاردن
وەزارەتی دارایی ھەرێم بڕیاری دا، جیاوازیی مووچە و دەرماڵە بۆ بەشێك لە فەرمانبەران خەرج بكرێتەوە
بەیاننامەی تیمی یەکێتی لە حکومەتی هەرێم سەبارەت بەمووچە
هێمن هەورامی: بڕیارەكەی پارتی بۆ راستكردنەوەی ئەو هەڵەیەیە كە عێراقی لە فرە پێكهاتەوە بەرەو تاك پێكهاتە بردوە
ئەدهەم بارزانی: كار لەسەر بەلاڕێدابردنی دۆخەكە دەكرێت بۆ ئەوەی هەڵبژاردن نەكرێت
© 2024 Awene Online, Inc. All Rights Reserved.
×