نیفاقی سیاسی یەکێتی‌و گۆڕان
د. محه‌مه‌د عه‌لی
2020-06-12
یەکەم: لەھەولێر بەشێکن لە حکومەت و دەسەڵاتی مەرکەزی، بەڵام لەسلێمانی یٔۆپۆزیسیۆنن و داوای لامەرکەزی دەکەن.
دوەم: لە دەزگاکانی ڕاگەیاندنەوە، کادیرەکانی یەکێتی و گۆڕان سەرقاڵی ڕەخنەو یٔینشانوسین و بەخشینەوەی (یٔومێد)ن. بەڵام بەرپرسەکانی ھەردو حیزب لە یٔەنجومەنی وەزیران، بەشێکن لەسیاسەتی مەسرور بارزانی و بەگری دەکەن لە بڕیارەکانی.
سێیەم: ھەردو حیزبی ناوبراو داوای پشکی حیزب و پۆستی زیاتردەکەن لە کابینەکەو سەرۆکایەتی ھەرێم، بەڵام ناوبەناوو بۆ چەواشەکاری، باس لە کشانەوە دەکەن!.
چوارەم: تیمی یەکێتی و گۆڕان ناتوانن بڵێن: با یٔەولەویەت پێدانی موچە بێت نەوەک قەرزی کۆمپانیاکانی خۆتان. یٔەگەر موچەی وەزارەتەکانی تریش دابەش ناکەن و بژێوی ھاوڵاتیان دابین ناکەن، ھیچ نەبێ وەفاتان ھەبێ بۆ ستاف و کارمەندانی وەزارەتی تەندروستی و موچەی وەزارەتی ناوبراو دابەشبکەن .
پێنجەم : بەھۆی نەدانی وەزیر بەگۆڕان لەکابینەکەی کازمی، حیزبی ناوبراو و سەرۆکی فراکسیۆنەکەیان لەبەغداد، کەوتونەتە ڕەخنەگرتن لە پارتی و سیاسەتی نەوتی ھەرێم. بەپێچەوانەوە لەھەرێم تەوای ستافەکەیان لە حکومەت و سەرۆکایەتی ھەرێم، پشتگیری لە سەرۆکی حکومەت و سەرۆکی ھەرێم دەکەن و تەنانەت ھەڵسەنگاندنی گۆڕان بۆ یٔەندازیاری یٔیفلاسی ماڵی و شکستی یٔابوری سەربەخۆی ھەرێم، نێچیرڤان بارزانی، یٔیجابیە!
شەشەم: یٔەگەر پارتی بە هۆکاری شکست و نەهامەتییەکانی خەڵکی کوردستان دەزانن، چی یٔەکەن لە تەنیشتییەوە دانیشتون؟ تەنانەت کێبڕکێتان بوو لەسەر بەشداریکردنی حکومەتەکەی، تایٔێستاش ململانێتانە لەسەر پۆست و یٔیمتیازاتەکانی.
حەوتەم: بەدڵنیاییەوە نیفاقی سیاسی و پۆپۆلیزمی گۆڕان و یەکێتی، هیچی کەمتر نییە لە سیاسەتە ھەڵەکانی پارتی و سەرۆکی کابینەکە.