(خەیاڵی منداڵان ئەو بناغەیەیە کە داھاتووی گەشی لەسەری بونیاد دەنرێت، ئەدەبی منداڵانیش ئەو کلیلەیە کە دەرگای ھیوا و داھێنانیان بۆ دەکاتەوە – عەبدول تەواب یوسف)
لە کۆمەڵگەیەکدا کە سیستمی کارگێڕی و دارایی لە قەیراندا بێت، ھیچ پلان و ستراتیژێک بەدی نەکرێت بۆ چارەسەر، بەبێ ھیچ لێکدانەوە و ئەمسەر و ئەوسەرێک، ئەو سیستمە گیرۆدەی گەندەڵی و خراپ بەکارھێنانی دەسەڵات بووە.
کاتێ مڕووی گەندەڵی لە شانەی ھەنگ ئەدات بێگومان لە جیاتی شیرینی ھەنگوین، تاڵی بێ بەرھەمی ئەچنینەوە.
لەکاتی داپۆشینی گەندەڵی و بەردەوام بوونی نادادی لە کایەکانی ژیاندا، جگە لە بینینی تاریکی، ھیچ مەودایەک بەدی ناکرێت بۆ تروسکەی ئومێد و ئایندە.
لەسەر نەبوونی دیدگا و بیرۆکە و پلان بۆ پەروەردە، تا ناڕوونی لە فەلسەفەی پەروەردەیی بە ھۆکاری نا ڕوونی فەلسەفەی حوکمڕانی و دەسەڵاتداری لە ھەرێمی کوردستان، قەیرانی پەروەردەش سەری ھەڵداوە و ساڵ لە دوای ساڵ، کەلێن و کەلەبەر و قەیرانەکانی ئەو سێکتەرە گەورەتر دەبن. ئێمە لەسەر ئەو بەشە گرنگەی ژیان کە پەروەردەیە، چەندین وتارمان نوسیوە و ئاماژەمان بە گرفتەکانی پەروەردە کردووە و ڕێگەچارەمان بۆ داناوە، بەڵام نە کەس کاری پێکردووە نە لایەنی پەیوەندیدار ئەیانخوێنێتەوە.
بۆیە لە وتاری ئەمجارەماندا ئاماژە و سەرنجەکانمان دەخەینە سەر بەشێکی گرنگ کە زیاتر وابەستەی پەروەردە یە ئەویش ئەدەبی منداڵانە، ھەر بۆیە لای ئێمە گرنگ و جێی ئەوەیە ھەڵوێستەی لەسەر بکرێت، کاتێ شیکاری بۆ ئەو پرسە دەکەیت، دەزانیت ئەویش چەندە وابەستە و گیرۆدەی چەقبەستن و دواکەوتن ھاتووە، کە ھۆکارەکەی ئەو شێوازە خراپ و وابەستەیەیە کە بەھۆکاری جیاواز ڕووبەڕووی بۆتەوە، گرنگترینیان گرنگی پێ نەدان و پەراوێزخستنە، وەک چۆن لە سێکتەرە سەرەکیەکەی پەروەردەدا کراوە.
پێمباشە ھەموو ھۆکارەکانی قەیرانی ئەدەبی منداڵان و گرنگی و بایاخی ئەو ئەدەبە و ڕێگاکانی چارەسەری قیرانەکان بەخاڵ دیاری بکەم لەبەر دوو ھۆکار
یەکەم: کورتکردنەوەی بابەتەکە
دووەم: گەیاندنی پەیامەکە بە ئاسانی و ڕوونی
گرنگی ئەدەبی منداڵان لەم خاڵانەدا کورت دەکرێتەوە:
١-پەرەسەندنی خەیاڵ و داھاتوو، واتا پێدانی خەیاڵکردن
٢-ئەدەبی منداڵ ڕێگە بە منداڵان دەدات بە شێوەی خۆیان مەبەستیانە جیھان دروست بکەن
٣-باشترکردنی توانای خوێندنەوە و نووسین
٤-گفتوگۆ و وتووێژ و چیرۆک وا دەکات چێژ بە منداڵ ببەخشێت
٥-زاراوە و وشە نوێکان فێری منداڵ دەکات
٦-پشتیوانی بە پەرەسەندنی ڕۆشنبیری و بیرکردنەوە دەدات لای منداڵ
٧-منداڵ فێری پرسیارکردن و تێگەیشتن و چاکتر بیردکردنەوە دەبێت
٨-گەشە پێدان و پەروەردەکردنی ئارەزووەکان لای منداڵ
٩-ھەنگاوەکانی دڵنیابوون و دڵسۆزی دیاری دەکات
١٠-چیرۆک دەبێتە ھۆکاری کردار و ھەستەکان یەک دەخات
١١-منداڵ فێری گەیشتنی بە ھەست و مافەکانی تر دەکات
١٢-ئاراستەکردن بۆ زانست و کەلتووری و ناساندنی کۆمەڵگە
١٣-ئەدەبی منداڵ کەلتور، ناساندن و ناسنامەی گەلی خۆی و کاری باشی ژینگەویستی و خزمەتگوزاری دەناسێنێت
١٤-قوڵکردنەوەی توانای کۆمەڵایەتی بوون، وتووێژ کردن باش دەکات
١٥-چیرۆک، ھەڵسەنگاندن منداڵ فێری وتاردان و گوێگرتن دەکات
١٦-کەمکردنەوەی فشار و ئاستەنگی دەرونی
١٧-خوێندنی چیرۆک بۆ منداڵ، ھەست کردن بە ئارامی و دڵنیایی درووست دەکات
١٨-پەروەردە کردنی خولیا و خۆ پەروەردە کردن
١٩-منداڵ لە چیرۆکەکاندا خۆی دەبینێت و خۆی دەناسێت
٢٠-باشترکردنی توانای چارەسەرکردنی کێشە و گرفتەکان
٢١-لە ڕووداوە ئەدەبییەکاندا توانای بریاردانی دروستی دەبێت
٢٢-باشترکردنی پەیوەندی نێوان دایباب و منداڵ لەو چیرۆکانەی دەخوێندرێن، نزیکی و پەیوەندی نێوانیان پتەو و مکۆم دەکات
قەیرانی ئەدەبی منداڵان چەند ھۆکارێکی سەرەکی ئەگرێتەوە لەوانە:
١-کەمی کتێب و بەرھەمی ئەدەبی تایبەت بە منداڵان.
٢-لاوازی چۆنیەتی و ناوەڕۆکی ھەندێک لە بەرھەمە ئەدەبییەکان.
٣-دوورکەوتنەوەی منداڵان لە خوێندنەوەی کتێب.
٤-کاریگەریی زۆری بەکارھێنانی تەکنەلۆجیا و تۆڕە کۆمەڵایەتییەکان لەلایەن منداڵانەوە
٥-کەمی پشتگیریی خێزان بۆ خوێندنەوە
٦-نەبوونی بەرنامە و چالاکیی ئەدەبی بۆ منداڵان لە قوتابخانەکان
٧-کەمی گۆڤار و بڵاوکراوەی تایبەت بە منداڵان
٨-وەرنەگرتنی پێداویستی و ئارەزووە تەمەنییەکانی منداڵان لە نووسینەکاندا
٩-کەمی وێنەکێشان و دیزاینی سەرنجڕاکێش لە کتێبەکان و گۆڤارەکانی تایبەت بە منداڵان
١٠-نەبوونی ھاندان بۆ نووسەران و بەرھەمھێنەرانی ئەدەبی منداڵان
چۆنێتی چارەسەرکردنی قەیرانی ئەدەبی منداڵان، بەم ھەنگاوانە دەکرێت:
١-زیادکردنی بەرھەمی ئەدەبی جوان و گونجاو بۆ تەمەنی جیاوازی منداڵان
٢-ھاندان و پاڵپشتی نووسەران و ھونەرمەندانی بواری ئەدەبی منداڵ
٣-چاککردنی کوالێتی و ناوەڕۆکی کتێبەکان
٤-بڵاوکردنەوەی کەلتووری خوێندنەوە لەناو خێزان و قوتابخانەکاندا
٥-دابینکردنی کتێبخانەی تایبەت بە منداڵان
٦-ڕێکخستنی پێشبڕکێ، کۆڕ و چالاکیی ئەدەبی بۆ منداڵان
٧-سوودوەرگرتن لە تەکنەلۆجیا بۆ پێشخستنی ئەدەبی منداڵان (کتێبی ئەلیکترۆنی، چیرۆکی دەنگی و بەرنامە فێرکارییەکان)
٨-گرنگیدان بە وێنەکێشان و دیزاینی سەرنجڕاکێشی گۆڤار و کتێبەکان
٩-وەرگرتنی بۆچوون و پێداویستیی منداڵان لە کاتی ئامادەکردنی بەرھەمەکاندا
١٠-زیادکردنی وەرگێڕانی بەرھەمە ئەدەبییە بەناوبانگەکانی جیھان بۆ زمانی کوردی
١١-پاڵپشتی دارایی و مەعنەوی لەلایەن دامەزراوە پەروەردەیی و ڕۆشنبیرییەکانەوە
١٢-تەرخانکردنی کاتێکی دیاریکراو بۆ خوێندنەوەی ئازاد لە قوتابخانەکان