ئەوەندەی من لەو كشانەوەیەی گۆڕان لە حكومەت تێگەیشتبم، كشانەوەكەیان وەك كشانەوەكەی عومەری سەید عەلییە لە رێكخەری گۆڕان، كە لە ئۆكتۆبەری ساڵی 2021 ەوە دەستی لەكاركێشایەوە، بەڵام دوای كشانەوەكەشی هەر خۆی رێكخەرو هەموو شتێك بوو لەناو گۆڕان. یان وەك ئەو دەست لەكار كێشانەوەی مستەفای سەید قادرو ئاواتی شێخ جەناب و هەڤاڵ ئەبووبەكرە، كە لە ساڵانی پێشوودا دەستیان لەكاركێشاوەتەوە، بەڵام لە پۆستەكانیان هەر بەردەوامن.
جاران دەیانگوت ئەم كێكە، بەڵام من دەڵێم كێك نەماوە، بۆتە لوقم، ئەم لوقمە چەند شیرینە!. دەیبینین یەك وەزیر یەك پلەی تایبەت جێی ناهێلن، كەواتە هیچ جیاوازییەكیان لەگەڵ دانا ی وەزیر نییە كە بەپێویستی نازانێ پارچە كاغەزێك پڕ بكاتەوە!!. دانا ی رێكخەریش تەنیا بۆ گەوجاندنی خەڵكەكە ئەم پەیامە سەقەتەی بڵاوكردەوە.. ئای گەوجاندن چەند بە سانایی دەچیتە ناو مێشكی خەڵكی سادەو ساویلكەوە...
بڕۆن فەلسەفەی گومان لای دیكارت بخوێننەوە، تا بڕوا بە درۆی شاخدار نەكەن...