یەکێک لە ئامرازە گرنگەکانی گوزارشتکردن و هەوڵدان بۆ بەرزکردنەوەی ئەندامی حیزب لەناو ئورگانەکانی حیزبی سیاسی لە کوردستاندا بریتیە لە پێوەرەی وەلائی کەسی و كڕنوشی بەرپرسانی حیزبی.
لە واقعیدا لە دوای گەڕانەوەی حیزبە سیاسیەکانی باشووری کوردستان لە ساڵی ١٩٩١ ، کۆی گشتی هێزە سیاسیەکانی کوردستان لە پاشەکشەیەکی گەورە دان لە چۆنیەتی کارکردنی فوڕمی سیاسی و گەشەکردنی پرنسیپەکانی حیزبایەتی لە ناو ئەندام و لایەنگرو ئۆڕگانو ڕێکخستنەکانیاندا .
بەشێکی زۆری هۆکارو پاڵنەرەکانی ئەم کێشەیە دەگەڕیتەوە بۆ گوڕانکاری نوڕم و میتۆدە سیاسیەکانی ئێستای حیزبی کوردی لەناو کایەیی سیاسیدا ، لە ئێستادا حیزب لە دەزگایەکی سیاسی و یاسای گوڕاوە بۆ کەڵتی سیاسی و کلیبتوکراسیەکی ترسناک لەناو دەسەڵاتو ناوەندەکانی حیزبدا ، هاوکات فوڕمی سیاسی وەزیفەکەی لە ئامرازەوە گۆڕاوە بۆ ئامانج ، تەنها وەزیفەی ئەم فوڕمە بۆتە دەزگایەکی ئابوور گەورەی زەبەلاح بۆ هەندێ کاریکتەری سیاسی کە تەنها حیزب وەک کەڤەرو چوارچیوەیەکی یاسایی و سیاسی بەکاردەهێنن بۆ قەباکردنی هەڵئاواسانی سەروەت سامانەکانیان ، لە ژێر هەر ناو تایتڵیەکی جیاوازدا بێت. ئەم جۆرە لە کارکردن کۆمەڵی لێکەوتەو جێگەوکەتەی خراپیان بۆ ئینتمای نیشتمان دروستکردوە . تەنانەت حیزب و خزمەتکردنی نیشتمان لەناو کاییەی سیاسیدا کردۆتە تابلۆیەکی ناشرین لە چاوی هاونیشتمانیاندا.
کاریگەری ئەم ڕەوتە خراپەی حیزبایەتی و شێوازەکانی کارکردنی لە داهاتوودا دەبێتە هۆکاری کەم کردنەوەی مەوداکانی ئازادی تاك، سانسۆرکردنی ئەندامانی حیزب لە ناو ئورگانەکانیدا لە هەر دەربڕینی بیروبووچونیەکی پێچەوانە وە جیگیرکردنی تیۆری گویڕایەڵی کوێرانە و نەرێنی لە هەموو بڕیارو هەڵوێستیەکی خراپدا .
گرنگە بۆ ئەم دۆخە خراپەی کوردستان ئاماژە بە ووتەی بیرمەندیەکی گەورە ئەوروپی بکەین کە ئەویش مارتن لۆتەر کە دەڵی ( من هەڵەی میرێکم لە چاکەی گەلێک پی چاکترە) لۆتەر لە دیدگاکاندا باس لەڕۆڵی ئەو کەسانە دەکات کە هە میشە خەریکی کڕنوش بوون بۆ کەڵیسا و پیاونی ئاینی میرو پاشاکانی سەدەکانی تاریکی . لە دەرئەنجامیدا ئەوروپا باجێکی خراپی دا بەهۆی ئەو ڕەوتە خراپە لە ناو دەسەڵاتی بەڕێوەبرن تەنانەت ، بووە هۆکار دواکەوتنی ئەوروپا لە پێشکەوتن و گەشەکردنی تواناکانی هاووڵاتیانی ئەوروپی ، ئەم دۆخە بەردەوام بوو هەتا قۆناغەکانی دروستبوون سەردەمی ڕیفوڕمی سیاسی و تێکشکانی دەسەڵاتی ئایینی پیاوانی کڵیسا گەڕانەوەی هەیبەتی هاووڵاتی لەسەر بنەمای رێزگرتن بەها هاوبەشەکانی مافی هاووڵاتی لەناو کاییەی سیاسی و بەڕێوەبردندا.