ئەوەی ئەم نانەوایە گوتی، قسەی هەموو خەڵكی كوردستان بوو، قسەكانی ئەو , چیرۆكی میللەتێكی هەشبەسەرە كە نەنوسەران دەرەقەت دێن بیكەنە رۆمانێكی خەماويی و نە فلمسازان دەتوانن بیكەنە فلمێكی تراژیدی.
دەسەڵاتی ستەمكار لەوە ناگات ئینكاریكردنی هەقیقەت هیچ لەهەقیقەت ناگۆڕێت. بەگرتنی نانەوایەك هیچ لەو راستیە ناگۆڕێت كە ئەم حوكمڕانیەو حوكمڕانانی هەموویان شكستخواردوون. ئەوانەی گوایە نەوت و ئابوریان سەربەخۆكرد، موچەی خەڵكی كوردستانیان بڕی، باج و خەراجیان لەسەر خەڵك زیادكرد، نرخی ئاو و كارەبایان گرانكرد شكستخواردوون..تد
دەی ئاخر لەتونس محەمەد بوعەزیز خۆی سوتاند، بەڵام ئاگری لەشەقام بەردا. گڕێكی هەڵكرد نەك تونس، بەڵكو ستەمكارانی لەچەندین وڵات ناچاركرد دەستبەرداری دەسەڵاتدارێتیە دەیان ساڵەییەكەیان بن.