پەڕلەمان دامەزراوەیەكی یاسا دانانە لە هەروڵاتێكی دێموكراسی و پەڕلەمانێدا . پەڕلەمان بریتییە لە كۆمەڵێك خەڵك كە نوێنەرایەتی هاوڵاتیانی ئەو وڵاتە دەكەن و لە ڕێگای دنگدانەوە هەڵدەبژێرێن . ئەركی پەڕلەمان بریتیە لە یاسادانان و گۆڕینی یاساكان بە پێی پێویستی و پەسندكردنی بودجەی ساڵانەوچاودێریكردنی حكومەت پرسینەوە لە حكومەت لە كاتی هەر كەمتەرخەمییەكدا . لە وڵاتە پێشكەوتو ودێموكراتەكاندا پەرلەمان گرینگی تایبەت بەخۆی هیەو خاوەن هەیبەتەو دەسەڵاتی لێپرسینەوەو پانگهێشتی سەرۆكی وڵات و حكومەتی هەیە بۆلێپرسینەوە ئەگەر پێویست بكات . لە وڵاتە پێشكەوتوەكاندا ئەندامانی پەڕلەمان كە سەربەحیزبەكانن زۆر چالاكانە كار دەكەن و بەدواداچون دەكەن و هەرچی كەم و كورتییەك ببینن خێرا ئاشكرای دەكەن ولێپرسینەوە دەكەن .
باسەكەی من لێرەدا پەڕلەكانی كوردستانە و كەمێكیش پەڕلەمانی عێراق. پەڕلەمانی كوردستان لە سالی 1992 دروست بووە . ئەم پەڕلەمانە لەسەربنەمای زۆرینەو كەمێنە یاساكانی داناوە. یەكێتی و پارتی بەردوام خاوەن پێگەو خاوەن دەسەڵات بون بەهۆی ئەوەی خاوەنی هێزبون ، بۆیە لەگەڵ ئەوەی لایەنی ئۆپۆزسیۆن بەشداری پەڕلەمامیش بوبن ، كاریگەرییەكی ئەوتۆیان نەبوە و گوێ بە بۆچون و پێشنیارەكانیان نەدراوە ئەگەر شتی باشیشیان پێشنیار كردبێت . لەزوربەی خولەكانیشدا بە تایبەتی خولەكانی كۆتایی ، پارتی بەردەوام زۆرینەی هەبوەو هەر یاسایەك یان پێشنیارێك لەبەرژەوەندی پارتی نەبوبێت ، ئەگەر لەبەرژەوەندی گشتیشدابووویت ، ئەوان دژی وەستاو نەوە . بۆ نمونە تا ئێستا هەرێمی كوردستان نەیتوانێوە ببێتە خاوەنی دەستورێك بەخۆی ، بۆچی ؟. چونكە پارتی دەیەوێت دەستورێك هەبێت كە لەەبرژەوەندی ئەواندا بێت . واتە چۆن مرۆڤ كراسیك هەڵدەبژێرێت كە ڕیك بە بەری خۆی بكات ، دەستورەكەش ئاوا بە بەری پارتی بكات .