نامە ئاگرینەکە بۆ ئەمەریکاو ھەرێم؟

ئه‌بوبه‌كر عەلی
  2021-06-26     635

ھەواڵ وزانیاریەکان باس لەئاراستەکردنی موشەك بۆ نزیك سەری رەش وبینای نوێی کونسوڵخانەی ئەمریکا لەنزیك ھاوینەھەواری پیرمام دەکەن. ئەمەش تەنھا دوای چەند ڕۆژێکی کەم لە ھەڵبژاردنە سەرۆکایەتیەکەی ئێران و دەرچونی (ڕەئیسی) ییەوە دێت، ھەروەھا ھاوکاتە لەگەڵ مانۆڕی سەربازی حەشدی شەعبی لەپارێزگای دیالە، کەسەرۆك وەزیرانی عێراقیش بۆ دەستەبەرکردنی ڕوپۆشی یاسایی وفەرمی بۆ مانۆڕەکە بەشداری تێدا کرد.( کەلەڕوانگەی خاوەن پەیامەوە نابێت ڕۆڵی کازمی لەپیوەندی بەحەشدو چۆنێتی کارکردنیەوە، لەوە تێپەڕێت و لەووەزیفە دەرچێت بۆی دیاریکراوە؟!)
خاوەنی پەیامەکە ئەمریکیەکان وبارزانیش ھوشیاردەکاتەوە لەوەی، پێویستە چی بکەن وچی نەکەن. وەچۆن سەیری جۆری مامەڵەکان لەداھاتودا بکەن. مانۆڕەکەی حەشدیش لەمڕۆدا ئاماژەیە بەپێگەی ئەم ھێزە لەقۆناغی داھاتوو سروشتی ململانێکانی، ھەروەھا نائومێدکردنی ھەموو ئەوانەیە گرەو لەسەرلاوازکردنی حەشد دەکەن لەڕێی کازمی و شەرعیەتی دەوڵەتەوە. نامەکە چەند پەیوەستە بەناوخۆی عێراق وھەرێمەوە ھێندەش ئاراستەی ئەمریکاو ئیسرائیل وکەنداوو گفتوگۆکانی جنێف کراوە، پێداگرتنە لەسەرئەوەی ملنەدانی ئەمەریکا بۆدیدی ئێرانی لەگفتوگۆکاندا، یەکسانە بەناچارکردنی ئەمەریکا بۆدەرچون لەعێراق، ھەروەھا ڕەتکردنەوەی ئەوداخوازییە کە کارلەسەرئەوە دەکات، توانا موشەکیەکانی تاران ونفوزی لەخۆرھەڵاتی ناوەڕاست ولەوانەش لەعێراقدا، بکاتە بەشێك لە گفتوگۆکانی ڤیییەنناو پێشمەرجی خۆرئاوا بۆ ھەڵگرتنی گەمارۆ ئابورییەکان وکاراکردنەوەی ڕێکەوتنەکە.لەڕوێکی ترەوە گرێدراوی ئەودۆخەیە کەلە کشانەوەی ھێزەکانی ئەمریکاو ناتۆ ئەفغانستاندا کەوتۆتەوە و بەشێکی گرنگی پەیوەستە بە ئێران وھاوپەیمانەکانیەوە؟

وتاری زیاتر

زۆرترین بینراو
بنەماڵەی وەستا حەسەنی كەبابچی باس لە روداوی كوژرانی كوڕەكەیان دەكەن
عەلی باپیر: ئومێدم نەماوە بەرپرسانی گەندەڵ و پۆخەڵی ئەم هەرێمە بتوانن چاك ببن
شاندێکی ئێران لە سلێمانی چونە ناو کەمپی حزبەکانی ڕۆژهەڵاتەوە
ته‌لار له‌تیف: زیاتر له‌ 200 ئه‌ندامى كۆنگره‌ پێشنیاریان داوه‌ته‌ لیژنه‌ى په‌یڕه‌وى ناوخۆ
شاڵاو عەلی عەسکەری: کۆدەنگی لەسەر کەمکردنەوەی ژمارەی ئەندامانی ئەنجومەنی سەرکردایەتی هەیە
بەرهەم مستەفا: مامۆستایان تەنها بۆ موچە دەچنە ناوەندەكانی خوێندن و بایكۆت بەردەوامە
"هەڵبژاردنی ئەندامانی سەرکردایەتی یەکێتی دەکەوێتە سبەینێ یاخود یەکشەممە"
په‌رله‌مانتارێك: ئه‌نجامی لێكۆڵینه‌وه‌ له‌ رووداوه‌كه‌ی حه‌مدانییه‌ پێچه‌وانه‌ی به‌ڵگه‌ و راستییه‌كان ده‌بێت
نرخی دراوەكان لە كاتی كردنەوەی بازاڕ
لیژنه‌ی دارایی په‌رله‌مانی عێراق جه‌ختی كردوه‌ته‌وه‌ ده‌بێت موچه‌خۆرانی هه‌رێم هه‌ر 30 رۆژ جارێك موچه‌كانیان وه‌ربگرن
© 2023 Awene Online, Inc. All Rights Reserved.
×