ئەگەر بگەڕێێنەوە بۆ ڕابوردوی مێژوی كورد ، زۆر ڕوداو وكارەساتی گەورە ڕویانداوە كە بونە هۆكاری دروستبونی بێ ئومێدی وبێ هیوایی میللەتیئێستاش پێ دەچێت كارساتێكیتر ڕوبدات و هیچ پێش بینی و ئامادەكارییەكی بۆ نەكرابێ و هەر بیریشی لێ نەكرابێتەوە. من لەم نوسینە كورتەدا دەمەوێت ئاماژە بە چەند ڕوداوێك بكەم و وەبیری خوێنەرانی بهێنمەوە بەوهیوایەی بە گرنگەوە بیر لەهاتوو بكەنەوە .
یەكەم ڕوداووكارەسات كە لە مێژودا ڕویداوە .
كارەساتی شەهیدكردنی حەسەن خێری بەگ
حەسەن خێری بەگ كێ بوو، بۆچی شەهید كراوچۆن شەهیدكرا؟
كەسایەتییەكی سیاسی و سەربازی كوردی خەڵكی دەرسیم بوو لە باكوری كوردستان ، كە وەكونوینەری دەرسیم لەپەڕلەمانی توركیا (دەستەی گشتی دامەزرێنەری كۆماری توركیا ) كاری دەكرد . لەمێژووی هاوچەرخی كورددا ، ناوی ئەو بە ڕوداوێكی مێژویی و تراژیییەوە بەستراوەتەوە كە پەیوەستە بەپەیماننامەی لۆزان( 1923) وچارەنووسی گەلی كورد . چیرۆكی هەڵ خەڵەتاندنی لە كۆنگرەی لۆزان( 1922-1923) دا بەم شێوەەی بوو :
لە كاتی بەڕێوە چونی دانوسانەكانی بەیاننامەی لۆزان لە سویسرا ، نوێنەرانی وڵاتانی ڕۆژئاوا باسیان لە پێدانی مافی سەربەخۆی یان ئۆتۆنۆمی بۆ كورد دەكرد . مستەفا كەمال بۆ ڕێگریكردن لەم بابەتە ، فێلێكی سیاسی بەكار هێنا بە مەستی هەڵخەڵەتاندن . كەمال ئەتاتورك پەیوەندی بە حسەن خیری وبڕێك لە كەسایەتییە كوردەكانی ناوپەڕلەمانەوە كردوخەڵەتاندنی بەوەی كە تورك وكورد بران ونیشتمانەكەیان یەكێكە . حسن خیریش بە مەبەستی پاراستنی یەكێتی و دوور كەوتنەوە لەدابەش بونی زیاتر ، بە جلوبەرگی نەرێتی كوردییەوە چووە نێو پەڕلەمانی توركیا و تەلەگرامێكی پشتگیری بۆ كۆنگرەی لۆزان نارد . لە تەلگرامەكە ئەوە هاتبوو كە كورد و تورك لەیەك نەتەوەن و جیا نابنەوە و پێویستمان بەدەوڵەتی سەرخۆی جیاواز یان پاراستنی نێودەوڵتی نییە . لەئەنجامدا لایەنە ڕۆژ ئاواییەكان بە پشتبەستن بەم هەڵویستە ، مەلەفی سەر بەخۆیی كوردیان لە پەیماننامەی لۆزاندا لاداو خاكی كوردستانیان بە سەر وڵاتاندا دابەش كرد .
دواجار حسن خیری چی بەسەرهات ؟. (تڕاژیدیای كۆتایی ژیانی ) . دوای سڕینەوەی ناسنامەی كوردی . دوای ئەوەی كۆماری توركیای ئێستا ڕاگەیەندرا و ڕێككەوتننامەی لۆزان جێ بەجێكرا ، دەسەڵاتدارانی نوێێ توركیا نەك هەر مافیان بەكورد نەدا ،بەڵكو دەستیان كرد بەكۆمەڵ كوژیكردن وئاوارە كردنی كوردەكان لەسەر زێدی خۆیان و سڕینەوەی ناسنامەی كوردی .
لەساڵی 1925 شۆڕشی شێخ سەعیدی پیران هەڵگیرسا ، لەدادگایەكدا بڕیاری گرتن بۆ حسن خیری دەرچو بەتۆمەتی هاوكاری و پشتگیری لەشۆڕشی شێخ سەعید و هێنانی جلوبەرگی كوردی بۆناو پەڕلەمان . دواجار لەدادگا بریاری لەسێدارەدانی بۆ دەرچوو و لەسالی 1925 لەلایەن هەمان ئەوڕژێمەی بەرگری لێكردبو لەسێدارە درا .چیرۆكەكەی تا ئێستاش لەمێژوی كورددا وەك نمونەیەكی بە ئازاری (متمانەكردن بەبەڵێنی بێ بنەما) یاد دەكرێتەوە .
حسن خیری پێش مردنی وەسێت نامەیەكی مەشهوری كردووە لەسەر ئەوەی هەستی بەهەڵەی گەورەی خۆی كردووە و وتویەتی ( وەسیەت بێت دوای مردنم با گۆڕەكەم لە سەر رێگای هاتو چۆی كوردان بێت بۆ ئەوەی هەر كەسێك بەلای گۆرەكەمدا گوزەری كرد تف لەگۆڕەكەم بكات چونكە من خەڵەتام وخیانەتم لەنەتەوەكەی خۆم كرد .
كارەساتی سشەهیدكردنی سمكوی شوكاك لە ناوچەی ورمی.
ئیسماعیل خانی شوكاك ( سمكۆی شوكاك ) سەركردەیەكی دیاری سەربازی و عەشایەری كورد بوو لە سەرەتای سەدەی بیستەمدا كە ڕێبەرایەتی شۆڕشێكی گەورەی لە ڕۆژهەڵاتی كوردستان ( ناوچەی ورمێ، خوی ، مهاباد) كرد لە دژی دەسەڵاتی قاجارەكان و پاشان ڕەزاشای پەهلەوی . ناو براو سەرۆكی عەشیرەتی بڵندپێگەی شوكاك بوو لە ناوچەی سۆماس وچەهریق . لە نێوان ساڵانی 1919 – 1922 ) توانی ناوچەیەكی بەرفراوانی ڕۆژھەڵاتی كوردستان بخاتە ژێر كۆنتڕۆلێ خۆی و سوپایەكی تۆكمە دامەزرێنێت. سمكۆ هەوڵی ئەدا بۆ دامەزراندنی دەسەڵاتێكی سەربەخۆ یان ئۆتۆنۆمی بۆ كورد لە ناوئێراندا . ناوبراو پەیوەندی بە زۆریك لە ڕوناكبیران وسەركردە كوردەكانی سەردەمی خۆیەوە كرد. دەوڵةتی ئێران بەڕێبەرایەتی (ڕەزا شای پەهلەوی ) نەیتوانی لە ڕێگەی شەڕی ڕاستەوخۆوە سمكۆ لەناوبەرێت ، بۆیە پەنایان بردە بەرفێل كردن و خستیانە بۆسەوە .
لە 30/7/ 1930 لە لایەن( كۆڵۆنێل سادق خان ) دەعوەتی سمكۆ كرا بۆ شاری شنۆ بە مەبەستی ڕێكەوتنی ئاشتی ودانوساندن . سەیركەن ئەم پیاوە بەبێ چەك و تەنها لەگەڵ چەند پاسەوانێكدا چوو بو بۆشوێنی كۆبونەوەكە ، هێزەكانی دەوڵەتی ئێران لەسەربانی خانوەكانی دەوروبەری شوێنی كۆبونەوەكە بۆسەیان بۆ دانابوو. كاتێك دەگەڕێنەوە دەیان دەنە بەر دەست ڕێژو سمكۆ بەخەستی بریندار دەبێت ودوایی لەگەڵ بەشێك لەهاوڕێكانی شەهید دەبێت . تیرۆر كردنی سمكۆی شوكاك كۆتایی بەگەورەترین شۆرشی چەكداری كورد لە وسەردەمەدا لەڕۆژهەڵاتی كوردستان هێنا .
كارەساتی شەهیدكردنی دكتۆر عەبدول ڕەحمانی قاسملوو .
دكتۆر عەبدول ڕەحمانی قاسملوو سەركردەیەكی دیاری ڕۆژهەڵاتی كوردستان بوو،.ناوبراوسكرتێری گشتی حیزبی دێموكراتی كوردستانی ئێران بوو ، وەكو دیپلۆماتكاری كورد لە سەر ئاستی جیهان دەناسرا . لەسالی 1930 لە شاری ورمی لە دایك بووە ،خاوەنی بڕوانامەی دكتۆرابوولە زانستە ئابورییە كاندا لە زانكۆی پراگ لە چیكۆسلۆفاكیا بەدەستی هێنابوو.
ناوبراو وەك مامۆستای زانكۆ لە پڕاگ و پاریس وانەی وتۆتەوە .بەچەندین زمان قسەی كردووە .لەساڵی 1973 بۆتە سكرتێری گشتی حیزبی دێموكرات . ئەوخاوەنی دروشمی ناسراوی ( دێموكراسی بۆ ئێران و ئۆتۆنۆمی بۆ كوردستان ) بوو. ئەوهەمیشە بڕوای بە دیالۆگ و چارەسەری ئاشتیانەی كێشەی كورد هەبوو. هاوشێوەی ڕوداوا مێژوییەكانی وەكو حسن خیری وسمكۆی شوكاك ، دكتۆر قاسملۆش لە سەر مێزی گفتوگۆ ولە ریگەی تەڵەی دیبلۆماسییەوە شەهیدكرا . لەساڵی 1989 ،حكومەتی ئێران داوای دانوسانی ئاشتیانەی لە گەڵ دكتۆر قاسملوو كرد بۆ چارەسەر كردنی كێشەی كورد . لەڕۆژی 13 /7/ 1989 ،دكتۆر قاسملۆ لەگەڵ هاوڕیی ( عەبدوڵلا قادری ئازەر) و ناوەندكارێكی عێراقی (فازل ڕەسوڵ ) لەشاری ڤییەننا لە خانویەكدا دكتۆر قاسملۆ لەگەڵ نوێنەرانی نێردراوی دەوڵەتی ئێران ( جەعفەر سەحراوردی و ئەحمەد نەزەنیا ) كۆبۆوە . لەكاتی كۆبونەوەكەدا نوێنەرانی ئێران بە دەمانچە هەر سێكیان شەهید دەكەن .تاوانباران لەلایەن پۆلیسی نەمساوە دەگێرین. بەڵام بەهۆی زەختی دیبلۆماسی حكومەتی ئێرانەوە،حكومەتی نەمسا بە بێ دادگاییكردن ڕێگەی پێدان بگەڕێنەوە بۆ ئێران . شەهیدكردنی دكتۆر قاسملوو وەك یەكێك لەتاریكترین پەڵەكانی مێژووی دیپلۆماسی نێودەوڵەتی وزیانێكی گەورەی فكری بۆ بزوتنەوەی ڕزگاری خوازی كورد دەست نیشان كرێت .
كارەساتی شەهید كردنی دكتۆر سادق شەرەفكەندی وهاوڕێكانی
دوای شەهید كردنی دكتۆر قاسملوو، دكتۆر سادق شەرەف كەندی بوو بە سكرتێری حیزبی دێموكراتی كوردستای ئێران لەجێێ قاسملوو. لەساڵی 1992 لەكاتێكدا خەرێكی كۆبونەو بوو لەگەڵ بەشێك لە ئۆپۆزسیونی ئێرانی لەوڵاتی ئەڵمانیا لە ریستۆرانتێكدا ، لەلایەن پیاوانی ساواكی ئێرانیەوە تەقەیان لێ دەكرێت و لەگەڵ 3هاورێكەی شەهید دكرێن و تەقەكەرەكانیش ڕائەكەن وناگیرێن . ئەم كارەساتەش لە كەمتەرخەمی گوێ نەدان بە فێڵەكانی دوژمنەوە سەرچاوەی گرتووە . ئێستا سەرنج بدەن كورد ڕوبەروی چ دۆخێك بۆتەوە بە درێژایی مێژوو بە هۆی نەزانین و دڵسافیەوە توشی سەدان كارە سات بوون .
فارس خۆی قسەیەكی هەیە كە زۆر گرنگە كورد خۆی سودی لێ وەرگرێت كەدەڵێت :سیاسەت ( پدرومادر ندارد) واتە: سیاسەت دایك وباوكی نییە . واتە وەكو ئاگر وایەو ئامانی نییە . دكتۆر قاسملووخۆی وتبوی باوكم وەسێتی بۆ كردوم هەرگیزبە درۆی فارس فریومەخۆ چونكە هەمیشە درۆت لەگەڵ دەكەن و فریوت ئەدەن . بەڵام بەداخەوە گوێێ بەئامۆژگاریەكەی باوكی نەداودواجار كەوتە داوی ئێرانیەكانەوە. سمكۆی شوكاك خاوەنی ئەوهەمو لەشكرە بووە ،بەلام كە چۆتە سەرمێزی دانوسان بەدەستی بەتاڵ چووە. باشەچی دەبوو ئەگەر سەد كەسی بۆ پارێزگاری خۆی ببردایە ؟. باشە ئەگەر حسن خیری كەسێكی نەزان نەبوبێت ، چۆن هەوڵی دروستكردنی دەوڵەت بۆ كورد نادەیت لەو كاتە گرنگ وهەستیارەداو پرس و ڕات بە كەس نەكردوو بەقسەی درۆ فریودەخۆی .بەداخەوە مێژوی كورد پڕیەتی لەتراژیدیای لەوجۆرە وكەس وانەی لی وەرنەگرتن .
لە ئێستادا سەرەتای ڕودانی تراژیدایەكی ترە بەرامبەر بەكورد ، ئەگەرپڕۆسەكە بەژیرانە مامەلەی لەگەڵ نەكرێت ،كارەساتێكی زۆر گەورە بەدوای خۆیدا دێنێت ، ئەویش دەست بەرداربوونی پەكەكە لەخەباتی چەكداری ودانانی چەكە. ئەندازیاری ئەم پڕۆسەی چەكدانانە، واتە ئاش بەتاڵە ئۆچ ئالان خۆیەتی ولە پێناوی خۆشیدایە .لەسوریا
مێژوی خەباتی سیاسی ئاپۆ دەری خست كە پاوێكیئازا نییە ، زۆر خۆی خۆش دەوێت .ئەگەر ئەوپیاوە ،پیاوی ڕۆژانی تەنگانە بوایە ،دەبووئەوكاتەی لە سوریا دەریانكرد بچویایە بۆشاخەكانی قەندیل ولەزیكەوە سەرپەرشتی پێشمەرگەكای بكردبایە ، هورەی بەرز بكردنایەوە ، نەك ڕاكات بۆ ئەووپا .دەبێ لەخۆی بپرسێت لەكوێ بەدیل گیرا ، بۆچی لەوی بەدیل گیرا ؟. لەهەمووئمانە خرابتر كاتێك لەناو تەیارەكە قوڵ بەستی ئەكەن وچاوی ئەبەستنەوە ،،دەڵێت دایكم توركە . كاتێك بیرلەوڕابوردوەی دەكەیتەوە ،پێ ناچێت پێاوێكی خۆڕاگروبە هیممەت و لە خۆبوردەبێت و بەدووریش نازانرێت لەپێناوی ڕزگار كردنی خۆیدا قوربانی بە پەكەكەو هەمووخوێنی شەهیدان نەدات و كارەساتێكی تروتراژیدیایەكی تر و ئاشبەتاڵێك بەسەر كوردنەهێنێت .
هەرچەندە بە دوور دەزانرێت لەم قۆناغەدا توركیا بەجەستە ئاپۆ بكوژێت ، بەلام لە ڕوی سیاسییەوە ئەیكوژێت . كۆتایی هاتنی ژیانی ئاپۆبە كوشتن یان بەزۆر پێی گەورە دەبێت و دەبێتە ڕەمزی خەباتی ڕێگای كوردایەتی ، بەلام خۆتەسلیم كردن بەناوی پڕۆسەی ئاشتییەوە و لە پێناوی ڕزگار كردنی خۆیدا ، شەرمەزارو ڕیسوا دەبێت لە بەردەم میللەت و كەس وكاری شەهیداندا .
ماوەی ساڵێك زیاترە توركیا لەڕێگای ئاپۆوە هەوڵ ئەدات بەناوی پڕۆسەی ئاشتییەوە كۆتایی بەشەڕی چەكداری پەكەكە بهێنێت .خالی لاوازی پەكەكە خودی ئاپۆ خۆیەتی. ئەگەر دوولایەنی ناكۆك هەوڵی ڕێكەوتن بدەن ، هەردوك لایەنەكە هەوڵ ئەدەن لەمەركەزی هێزەوە بچنە ناو گفتوگۆكەوە . باشە ئاپۆ چۆن دەتونێت مافی میللەتەكەی و 25 هەزار شەهید بەدەست بهێنێت كە خۆی لەزیندانی دوژمنەكەیدا بێت ؟. دەبوو بە حكومەتی توركیا بلێت :من لە زینداندام و ئازاد نیم و بۆم نییە لەبری حیزبەكەم قسە بكەم .
ئەگەر ئێوەڕاست ئەكەن و ئاشتیتان دەوێت فەرمون بچن لەگەڵ سەركردەی پەكەكە لەقەندیل دانوسان بكەن و ئەگەر بەرژوەندی میللەتەكەمانی تێدابوو منیش قسەی خێری تێدا دەكەم ،نەك لەزیندانەوە فەرمان دەركا چەك دانێن. لەكاتێكدا سەرانی ڕژێمی توركیا قسە لەگەڵ ئاپۆ دەكەن ،دەڵێن ئێمە دەمانەوێت كۆتایی بە تیرۆر بهێنین لە توركیا . كەواتە ئەی ئاپۆ تۆو حیزبەكەت تیرۆریستن و دەمانەوێت كۆتاییتان پێ بهێنین. باشە ئەمە سوكایەتی پێكردنە ،یان هەوڵ دانە بۆبەرقەرار بوونی ئاشتی .سەیرەكە لەوەدایە لەبری ئەوەی پێیان بڵێن :ئەگەر ئێمە تیرۆریستبین ،ئێوەش دیكتاتۆروپیاوكوژن .ئەگەر داوای لێبوردن نەكەن وجارێكیتر ئەو قسەیە دووبارە بكەنەوە ، مانای وایە ئێوە برواتان بە دانوسان نییەو دەتانەوێت فێلمان لی بكەن . بۆیە پەكەكە چەك دانانێت ومنیش دەمەوێ بەسەربەرزی لەزینداندا بمرم لە پێناوی گەلەكەمدا .
بەڵام ئەوان هیچ وەڵامێكی ئەوسوكایەتی پێكردنەی توركیایان نەدایەوەو ئەوان گەرمترن بۆ ڕێك كەوتن وچەكدانان . پێ دەچی سەركردەكانی پەكەكەش خۆیان خاوەنی هیچ بریارێك نەبن و دەیانتوانی بڵین: تا ئەولە زینداندا بێت ئێمە ناتوانین هیچ بڕیارێكی ئەوجێ بەجێ بكەین . باشە با پرسیار بكەین لە سەر چی ڕێككەوتون ؟. زمانی كوردی بۆتەڕەسمی .كورد وەك میللەت ناسێنراوە ، دسكەوتی ئەوهێزەی 28 ساڵە خەبات دەكات و خاوەنی 25 هەزار شەهیدەو بەهۆی ئەوانەوە سەدن گوندی باشووری كوردستان وێران بووە . ؟. وەكودەردەكەوێت نەك هیچ دەسكەوتێك بەدی ناكرێت ، تەنانەت ڕێگا نادەن بەشێك لە سەركردەكانی پەكەكەش بچنەوە ناوتوركیا و ئەكەر ڕێگاشیان پێ بدەن وەكو دەست بە سەر مامەلەیان لەگەڵ دەكەن . تەنانەت بڕیاری ئازادی ئاپۆش نییە، بەلام ئەوەیان درۆیە دوای ئەوەی ئاشبەتاڵی بە شۆڕشی كورد كرد لەتوركیا ، ڕێزی زۆری لێدەگرن. ئەگەرئاپۆ لەخەمی پەكەكەومیللەتدا بوایە ،خۆی دەبوو بڵێت :بچن لەگەڵ سەركردەكانی پەكەكە لە هەوڵێر یان سلێمانی بە ئاگاداری نوێنەری نەتەوە یەكگرتوەكان ،یان چەند دەوڵەتێكی ئەوروپی بۆ ئەوەی ئاگاداری ناوەرۆكی ڕێكەوتنەكە بن .نابی شەرم بكەن وبڵێن :ئەی ئەگەر چەكمان داناو لە هەموو شتێك پەشیمان بوونەوە ئەوكات چی بكەین وكاتی خۆشی كەمال ئە تاتوركی سەرۆكتان ئاوا فێڵی لە حسن خیری كرد. ئاپۆهەر بەوەوە نەوەستاوە ئاش بەتاڵ بەشۆڕشی توركیا بكات ، هەسەدەومەزڵوم عەبدیشی ناچار كرد هێزەكانیان لەگەڵ سوپای سوریا تێكەڵ بكەنەوە و ڕێككەوتن بكەن .
گومای تێدا نییە ئەوەش لە سەر داوای توركیا بووە چونكە لەئێستادا ئەوەندەی ترسیان لەكوردانی ڕۆژ ئاوا هەیە دەسكەوتی گەورە بەدەست بهێنن ،نیوەی ئەوە ترسیان لە پەكەكە نەماوە ، چونكە ئەگەر ئەوان مافی زۆروەرگرن ،ناچارن ئەوانیش ئەومافانە بەكوردانی تركیا بدەن . كوردانی سوریاش بون بەقوربانی سازشەكانی ئاپۆوحیزبەكەی. كوردانی سوریا بێ پشتیوان مانەوە لەگۆڕە پانەكەدا ودواجار هەر دەبوو ڕیك بكەون لە لەپێناوی پاڕێزگاریكردنی خۆیان و پاراستنیان لەئاوارەبوون ،بەلام ئەگەر سازشەكانی ئاپۆ نەبوایە بۆ توركیا دەیانتونی كەمكیتر پێداگرن ومافی زیاتر بەدەست بهێێن .
كەواتە نابێ پێمان عەیب بێت بترسین كە ترادیژیایەكی تر بەسەر میللەتە كەماندا بێت . باشە ئەگەر هەر بەوە ڕازی دەبوون وەكوهاوڵاتییەك بە ئازادی لە توركیا بژین وئاوارەكانی كەمپی مەخمور بگەڕێنەوە بۆ ناو توركیا ، خۆ ئەگەر شۆڕشیش نەكرایە توركیا هەر ڕێگای ئەدا وەك هاوڵاتی ئاسایی بژین وكەسیش ئاوارە نەدەبوو .كەواتە ئەم خوێن ڕشتن وماڵ وێرانییە لە پێناوی چیدا؟. ئاپۆ دەڵێت :ئێمە داوای حكومەتی دێموكراتیك ئەكەین ، لەبری حكومەتی دیكتاتۆری . ئەو وا ئەزانێت ئەوە لەسەر داوای ئەودێتەدی .دێموكراتیەت تائێستا هەر نیوەی هاتۆتەدی .
لەبیری چۆتەوە چەند ساڵە ماركسیەكان باسی سیستەمی سۆسیالیستی ئەكەن ، باشە بۆیان هاتەدی ؟. سەیر ئەوەیە داوا لەهەموو بەشەكانیتری كوردستانیش دەكەن ،هەمان ڕیچكەی ئەوان بگرنە بەرو داوای حكومەتی دێموكراتێك بكەن. خۆیان دەستیان لە بنی هەمانەكە هاتۆتە دەری ودەیانەوێت سەری ئەوانیش ئارداوی بكەن و بیانكەن بەشەریكی خۆیان. ئەم سازشەی پەكەكە بۆتوركیا ئەوەندە قسەوباسی بەدوای خۆیدا هێناوە ، سەری مرۆڤ سوڕ دەمێنێت ووریا نەبی توشی شۆك دەبێ .گوایەعەبدوڵلا ئوچ ئالان وتویەتی من لەگەڵ بیروبۆچونی ناسیۆنالیزمی كوردی نیم و تێكەڵاو بۆنم دەوێت . بەرپرسێكی تری پەكەكە دەڵێت :واچاكە كوردانی باشوریش داوای حكومەتی دێموكراتیك بكەن و هێزی پێشمەرگە تێكەڵ بە سوپای عێراق بكەنەوە. خەبەرێكی تربڵاوبۆتەوە كە 3 سەركردەی پەكەكە خۆیان تەسلیمی توركیا دەكەن و دەچن لە ئیمڕاڵی لای ئاپۆ دەمێننەوە .ئەگەر ئەمە ڕاست بێت دەبێ چی لەپشتی ئەم سیناریۆیەدا هەبێت؟.ئایا بۆ ئەوەی توركیا دڵنیابكەنەوە كە ئەوان ئاشتیان دەوێت ولە وەعدی خۆیان پەشیمان نابنەوە ؟.
خەبەرێكی تر ئەوەیە پەكەكە وەجبەی یەكەمی چەكەكان تەسلیم بەسوپای عێراق دەكات .ئەگەر ئەوە ڕاست بێ بۆچی بە سوپای عێراق و بە كوردنا ؟. من خۆم دژی دانوسان وپڕۆسەی ئاشتی نیم چونكە ناكرێت تا كۆتایی دونیا وەك ئاژەڵ بەشاخەوەبن و ئەوە كارێكی ئاسان نییە ، بەڵام ڕێكەوتن لەگەڵ توركیا بەبێ دەسكەوت تاوانێكی زۆر گەورەیە.هیوادارم هیچ كارەساتێك بەسەر كوردا نەیەت . ئۆمێدەوارم سەرۆك ئاپۆو سەركردەكانی پەكەكە باش بیر بكەنەوەو كردە پەشیمان نەبن . كۆتایی بەم باسە دێنم بەم پرسیارە : ئەگەر پەكەكەو توركیا ڕێككەوتن و چەكیان داناو توركیاش هیچ مافێكی بەكورد نەداو تەنها دەسكەوت ئەوەبێت ، هەموو لایەنگرانی پەكەكە تەسلیم بە توركیا ببنەوەووەكو هاوڵاتی ئاسایی بژین ، ئەوكات دەتوانن هیچ بكەن و چۆن وەلامی میللەتی كورد ئەدەنەوە كەلە هەموو بەشەكانی وكردستانەوە پشتیوانیان لێدەكراو جێی هیوای هەموان بوون و وەك فریادڕەس چاویان لێدەكرا ؟.