دوێنێ شەو کە دەکاتە ١٧/١٦ ی ٣ ی ٢٠٢٦، تاکتیکی دوێنێ شەوی ئیسرائیل به ئامانجگرتنی [سەرکردە باڵا]کانی ئێران+حەشد+حیزبوڵا بو [لە یەک کات دا]. ئەمریکاش چاوەڕوانی ئۆپۆزسیۆنی ئێرانە کە لە [دو هەفتەی داهاتو] خۆیان بسەلمێنن!
وەک لە بابەتەکانی پێشوم دا، جەختم لەسەر کردۆتەوە: ئەمریکا زۆر بژاردەی وەک تاکتیک لە بەردەست دایە، بەتایبەت وەک؛ ئۆپۆزسیۆنیی ئێرانیی، ئەو سەرکردانەی ئەم ڕژێمەی ئێران کە سەر بە ئەمریکا-ئیسرائیلن، هەروەها دروستکردنی ناوچەی ئارام لە عەرەبستانی ئێران و خۆرهەڵاتی کوردستان. لێرەدا بە پێویستی دەزانم وەڵامی چەند هاوڕێیەکم بدەمەوە کە لەسەر هەمان ئەم پرسانە پرسیاریان بۆ ناردوم:
پرسیاری یەکەم: دکتۆر پێتوانییە ئەمریکا ستراتیژی گۆڕاوەو ئەم ڕژێمەی ئێران ناڕوخێنێ؟
وەڵام: برای بەڕێزم، تەنانەت ئەگەر ئێستا ئەمریکا-ئیسرائیل ئەم ئۆپەراسیۆنەشیان بوەستێنن، نەخێر ئەمریکا هیچ گۆڕانکارییەک لە ستراتیژی ناکات کە سەد لە سەد [دەبێت] ئەم ڕژێمەی ئێران بڕوخێنێت. ئەگونجێت لە بژاردەکانی ناو تاکتیکەکانی گۆڕانکاریی بکات. بۆ نمونە؛ لەم دو هەفتەی داهاتو ئەمریکا چاوەڕوانی خۆسەلماندنی ئۆپۆزسیۆنی ئێرانییە.
پرسیاری دووەم: ئایا لێدان لە حەشدی شەعبی هەرێم ڕاناکێشێتە ناو جەنگەوە؟
وەڵام: هاوڕێی بەڕێز، خۆ کورد نادات لە حەشدی شەعبی. بەڵکو ئەمریکا-ئیسرائیل لێی دەدەن.
لێدان لە حەشدی شەعبیی؛ بەرەکەتێکە هەم هەڕەشە لەسەر هەرێمی کوردستان لە ڕوی تاکتیکیی و تەنانەت ستراتیژیش کەمدەکاتەوەو، هەمیش ئەو زەمینەیە دەسازێنێ که هێزی پێشمەرگە بتوانن خانەقین، کەرکوک، شنگال و، موسڵی کوردستان؛ ڕزگاربکەنەوە، بەمەرجێ ئەم گورزانەی ئەمریکا-ئیسرائیل بەردەوام بێ و، پارتیی-یەکێتیی یەکگرتو بن.
پرسیاری سێیەم، دۆستێک پرسیویەتی: دکتۆر خەڵک زۆر خۆشیان دەوێیت کە لە بەرەی میللەتیت دژی دەسەڵات، بەڵام هەستەکەم خەڵک ڕقیان لێت دەبێتەوە ئەگەر ئاوا ناسیۆنالیست بیت!
وەڵام، برای ئازیزم، مادەم وایە، با هەمو لایەک بە کورتیی و بە کوردیی ئەم پەیامەیان پێ بگات: [شەریف عەلی واتە: ناسیۆنالیستبون و دژە ستەمکاریی].
هەر بەڕێزێک پێی ناخۆشە کە ئەو دو تایبەتمەندییە لە خوێنمایەو پایەی هەتا هەتایی تێفکرینەکانمن؛ هیوادارم بۆ هەمیشە ڕقی لێم بێت.
بە کفر نەبێت لەبەردەم خوای خالق و میهرەبان دا؛ داگیرکەرانی کوردستان خۆیان لە خوای گەورە بەرانبەر بە کورد بە گەورەتر دەزانن. ئەوان دەمێکە زمانمان دەگۆڕن، نیشتیمانمانیان داگیرکردوە، ئەتکی کەرامەتمان دەکەن، ئەنفال و کیمیاییبارانمان دەکەن. کەوایە؛ دان بە کاری خوای گەورە نانێن کە وەک نەتەوەیەکی مەزنی تایبەتمەندی جیاواز خولقاندوینیی و ڕازاوەترین خاکی پێ بەخشیوین. ئەوان دەستکاری ئیشی خوای گەورە دەکەن!
بۆیە ئەگەر بۆ هەمیشە [تەنیا و تاق و بێ پارەش بم]؛ تاهەتایە بەکردەوەو بە تێفکرین دژی داگیرکەران و هەمو جۆرە ستەمکارییەکم.
برای بەڕێزم، کوردبون؛ پیرۆزە. پێم سەیرە: دەبو خەڵک لەبەر کوردپەروەرییم منیان خۆش بوێ. کەچی کەوتوینەتە چ زەمەنێکەوە: جاش و هاوڕێبازی ستەمکاران بیت، خەڵک خۆشیان دەوێیت.
تو ویژدانتان؛ لە مێژو دا ستەمکاری وەک داگیرکەرانی کوردستان هەبوە!؟
پرسیاری چوارەم: ئایا دکتۆر بۆچی ئەو ڕێژە زۆرەی کورد دژی ئەم جەنگەن؟
وەڵام: چونکە بۆ یەکەمجارە لە مێژوی کورد دا کە هەر هەمو جاشەکانی هەر چوار پارچەی کوردستان لە بەرانبەر ڕوداوێک یەک بگرن. بۆیە، ژمارەیان زۆرە!
بۆ نمونە؛ پێشتر جاشەکانی سەر بە تورکیا دژی جاشەکانی سەر بە ئێران بون. بەڵام ئێستا هەمو جاشەکان یەکیانگرتوە؛ چونکە دەزانن ڕەنگە دوای ڕوخانی ئەم ڕژێمەی ئێران نۆرەی هەقوحسێبی ئیسرائیل بێ لەگەڵ تورکیاش.
هەروەها، پرۆژەی ئەمریکیی-ئیسرائیلیی بۆ گۆڕانکاری لە خۆرهەڵاتیی ناوەڕاست تەنیا بە ڕوخاندنی ڕژێمی [ئاخوندە وەیشومە]کان کۆتایی نایەت، بەڵکو تورکیا و تەنانەت پاکستان و هتدیش دەگرێتەوە.
بۆیەشە ئەو کوردانەی کە نۆکەری "تورکیا، ئێران، عێراق و، سوریا"ن، لەوپەڕی توندڕەو و تیرۆریستەوە بۆ ئەوپەڕی مارکسپەرست؛ هەر هەمو ئەم جاشانەی دژی ڕوخاندنی ئەم ڕژێمەی ئێرانن.
لە قاموسە سیاسییەکانی کەیمبریدج و ئۆکسفۆرد بۆ ناسیۆنالیزم، پێناسەی مرۆڤی نیشتیمانفرۆش و خیانەتکار بخوێننەوە.
لە ڕوی زانستییەوە: "بونی سۆزی هەر مرۆڤێکی نیشتیمان داگیرکراو بۆ داگیرکەرەکەی دەچێتە خانەی؛ هەستی نیشتیمانفرۆشیی و خیانەتەوە".
ئێ ئێمەی کورد بە نیشتیمانفرۆش و خیانەتکار دەڵێین: "جاش".
پرسیاری پێنجەم: کاک محەمەد پرسیویەتی؛ دکتۆر ئەمریکا-ئیسرائیل بەنزیکەی پانزە ملیاریان لەم جەنگەدا سەرف کردوەو، میدیاکانی کوردستان دەڵێن: خەزێنەی مالیی و سەربازیشیان کز بوە، ئایا پێتوانییە بەم خێراییە جەنگەکە بوەستێنن؟
وەڵام: هاوڕێی بەڕێزم، ئەگەر تائێستا پانزە ملیاریان سەرف کردبێ، دڵنیابە سەد و پانزە ملیار دۆلار لە وڵاتانی کەنداو دەسێنن. هەرچەند سەرف بکەن؛ سەد بەرانبەریان لەلایەن دەوڵەتانی کەنداوەوە پێ دەدرێتەوە. ئیتر با ئەوەش بوەستێ؛ هەر ساڵێک ئەم ڕژێمەی ئێران بڕوخێنن، دیسانەوە سەد بەرانبەری ئەو تێچوەش لە سامانی نەوت و گازی ئێرانیش دەبەن!
برای بەڕێزم؛ بە عەقڵی ئەو نوسەر و ڕۆژنامەنوسانە پێبکەنە کە دەڵێن: "خەزێنەی مالیی و سەربازیی ئەمریکا کز بوە، بۆیە بەم خێراییە جەنگەکە دەوەستێنن".
چونکە وەستاندنی ئەم ئۆپەراسیۆنە تەنیا لە حاڵەتێک دا دەبێت کە قۆناغی تاکتیکەکەیان تا ئەم دۆخە پلانیان بۆ داڕشتبێت. ئەڵبەتە ستراتیژەکەیان هەر ڕوخاندنی ئەم ڕژێمەیەو، لە بابەتەکانی پێشتر بەوردی هۆکارەکانیم شیکردۆتەوە.
ئێستا ئەمریکا-ئیسرائیل لە یەک کاتد دا جەنگی دژ بە تیرۆریستان لە ئێران+عێراق+لوبنان دەکەن.
ئەزانیت ٤٧ ساڵە ئەم ڕژێمەی ئێران هیچ جۆرە سیستەمێکی لە وڵاتانی خۆرهەڵاتی ناوەڕاست نەهێشتبو. لە هەر وڵاتێک دا؛ کۆمەڵێک مافیا و تیرۆریستی چەکدار دەکردوەو سەروەت و سامانەکەیان بەردەوام تاڵان کردوە.
ڕوخاندنی ئەم ڕژێمەی ئێران، واتە: نەزمی خۆرهەڵاتی دەگۆڕدرێ و، خەڵکی ئەم وڵاتانە پشویەکی درێژ بەسەر دەبەن و، لە دەست میلیشیا تیرۆریستەکان و مافیاکانی سەر بە ئێران؛ ڕزگاریان دەبێت!
برام، جەنگی ئێران بۆ ئەمریکای زلهێزترین چییە هەتا خەزێنەی مالیی و سەربازیی کز کردبێت!؟
واز لە خوێندنەوەی پڕوپاگەندە بێنە. بڕۆ بەزانستیی لێکیبدەرەوە بزانە؛ بە داتاو ئامار ئەمریکا دەتوانێ لە دەیان بەرەوە [لە یەک کات دا] ئۆپەراسیۆنی وەک ئەمەی کە دژ بە ئێران ئەنجامی دەدات، بیکات یاخود نا!؟
خۆ [ترەمپ] قەشمەری بە دۆخی ئێران دێت. پێرێ وتی: "هەر بۆ خۆشیی چەند جارێکی تر لە دورگەی خارک دەدەینەوە!".
له گەورەیی دەسەڵاتی خوای گەورە وردبەرەوە؛ شیعە بەو هەمو خوێنڕشتن و توندڕەویی و کەلەڕەقییەوە؛ خودا دادپەروەرانە گورزی ترەمپ-نەتەنیاهۆی بەنسیب کردن.
خۆی خۆشییەکی بێلانەبون ئەوەیە: مرۆڤ هەرچی لە دڵ و ناخیا بێت دەتوانێت بینوسێت. بەڵام کە سیاسەتت کرد دەبێت بیپارێزیت. ئەڵبەتە یەک ڕەوشتی ئەم ئاخوندانەم بەدڵ بوە، ئەویش؛ موشەکبارانکردن و درۆنبارانکردنی دەوڵەتە تریتخۆرە دیکتاتۆرەکانی کەنداوە. هەرچەندە لە ڕوی لۆژیکەوە دەکرێ ئەو [کارە باش]ەش هەر ئیسرائیل بیکات لە ڕێی ئەو دەسەڵاتدارانەی ناو ئەم ڕژێمەی ئێران کە سەر بە مۆسادن. بەڵام بەخوا هەر کەس بیکات، من ئەم کارەی ئاخوندەکانم؛ لەناخەوە بە دڵە!
ئەمشەویش بەوردی گوێم لەو جەنەراڵە ئەمریکیانە گرت کە لە فۆکس نیوز شیکاری بۆ ئەم ئۆپەراسیۆنەی ئەمریکا-ئیسرائیل دەکەن، بۆ یەکەمجار ئەوەیان ڕونکردەوە، کە ئامانجی ئەم ئۆپەراسیۆنە: "تێکشکاندنی تەواوی کارگەکانی چەکە ستراتیژییەکان و توانا ئاسمانیی و دەریاییەکانی ئەم ڕژێمەی ئێران، کوشتنی خامنەیی"بوە. کە لە ٪٩٠ ی بەدەست هاتوەو، تەنیا لە سەدا ٪١٠ ی ماوە. دوای ئەوە سێ بژاردە بە دەست ترەمپە؛ یەکێکیان جێبەجێ دەکات.
کەواتە؛ ئەم ئۆپەراسیۆنەی ئەمریکا-ئیسرائیل [وەک یەکێک لە تاکتیکەکان] زۆربەباشیی بەڕێوەچوە.
ئایا تێپەڕاندنی ئەم تاکتیکە بەسەرکەوتویی تا چەند تاکتیکی تر دەگاتە ستراتیژەکە، ئەوە پرسیارە بنەڕەتییەکەیە!؟
زۆر گرنگە لەم دو هەفتەیەی داهاتو؛ ئۆپۆزسیۆنی ئێرانیی خۆیان بسەلمێنن.