ماڵپەڕی "ئاوێنە"، ڕۆژی "22. 12. 2023"، ئەنجامی کۆتایی جیاکردنەوەی دەستیی، دەنگەکانی لە پارێزگەی "کەرکووک" بڵاوکردەوە. ئەمەش ئەنجامەکەیەتی:

یەكێتی: 4390 دەنگ

پارتی: 1374 دەنگ

هاوپەیمانی عەرەبی: 2247 دەنگ

قیادە: 1083 دەنگ

هاوپەیمانی عروبە: 1153 دەنگ

نەوەی نوێ: 328 دەنگ

بەرەی توركمانی: 1888 دەنگ

كەركوكنا: 998 دەنگ

ئەمیل بوتریس: 46 دەنگ

سەرنجێکی ورد

عەرەبەکان لە هەڵبژاردنی پارێزگەی "کەرکووک"دا، لەبری یەک هاوپەیمانی، دوو هاوپەیمانیان هەیە، وەک: لیستی "هاوپەیمانی عەرەبی" و " هاوپەیمانی عروبە". هەروەها تورکمانەکان بە یەک لیستی هاوبەشی " بەرەی توركمانی" دابەزیون.

کەچی سەرکردایەتی هەردوو پارتە ماڵوێرانکەرە تاڵانفرۆشەکەی "پارتی" و "یەکێتی"، لەبەر کۆنەقین و پاوەنخوازی، شەڕی دەسەڵات و بەکرێگیراوی نەیانتوانی، بە لیستێکی هاوبەش، بۆ ئەو هەڵبژاردنە چارەنووسسازەی "کەرکووک"ی "دڵ" و "قودسی کوردستان" دابەزن ... ئاخر بۆیە، "2500" ساڵە، کورد لەسەر خاکی خۆی دەژی، کەچی هێشتا هەر ژێردەستە و هیچی بە هیچ نەکردووە!

"بێکەس"ی هۆنەری گەورەی نیشتمانپەروەر، ناهەقی نەبووە و ڕاستی فەرمووە، دەڵێی بەتایبەتی بۆ ئەم ڕۆژ و سەردەمە، جەرگی ڕاستی شەقکردووە، کاتێ گوتوویەتی:

کورد ئەبەد ناگاتە مەقسەد، نۆکەری بێگانەیە

دوودڵن، پیسن لەگەڵ یەک، بۆیە وا بێ لانەیەوە

میللەتێکن بۆ نەمانی یەکتری، هەر هەوڵئەوەن

داخەکەم ورد و درشتی، شێت و شەیدای ئانەیە

سەنعەت و علم و مەعاریف، زەڕڕەیەک باوی نییە

پیاوەتی لەلایان بەتەنیا، چەفتە و جامانەیە

بۆ قسەی زل بێ قسوورن، باسی کوردییەت ئەکەن

کوردییەت خورمایە بۆچی، یا قسەی شێتانەیە

میللەتی بێ عیلم و ئەخلاق، چۆن بە ئیستقلال ئەگا

واسیتەی بەرزیی و تەرەققی، هیممەتی مەردانەیە

* دیوانی بێکەس، چ2، چاپخانەی ئەلئەدیب، بەغدا، 1980، ل25