یادی ڕاپەڕینە مەزنەکەی ڕۆژی (5. 3. 1991)، لە هەموو ڕۆڵە ئازا و گیانبەخشەکانی گەلی کورد پیرۆزبێ. بەڵام:
خۆزگە
- ئەم گەلە هەژارە بێکەسە، سەرکردایەتییەکی نیشتمانپەروەر، ژیر و دڵسۆزی هەبووایە.
- دەسکەوتەکانی ڕاپەڕینەکەیان، وەک بیلبیلەی چاوی خۆیان، بە دڵ و بە گیان بپاراستایە.
- هەوڵیان بۆ یەکێتیی و تەبایی، ڕیزەکانی کورد بدایە.
- ڕۆژبەڕۆژیش وڵاتەکەمان هەنگاوی مەزنی، بەرەو ئاوەدانیی و پێشکەوتن بهاویشتایە.
* * *
خۆزگە
- وەک ئێستە سەرکردەی پارتەکان، پیاوی دەوڵەتە داگیرکەرەکانی (کوردستان) نەبوونایە.
- ڕۆڵەکانی کوردیان نەچەوساندایەتەوە.
- هەژاریی و نەبوونی، بێ ئومیدی نەکردنایە.
- یەکسانیی و دادی کۆمەڵایەتی هەبووایە.
- مۆتەکەی گەندەڵیی سواری شانمان نەبووایە.
- تاڵانیی و دزییش، ماڵی وێران نەکردینایە!
* * *
ئەوڕۆ (33) ساڵی ڕێک، بەسەر ڕاپەڕینی خەڵکی ستەمدیدەی گەلەکەماندا تێپەڕدەبێ، لە ئەم یادە پیرۆزەدا، هەر هێندە دەڵێم: نەمریی و سەربەرزی، بۆ ڕەوانشادانی ڕاپەڕینە مەزنەکەی گەلە چەوساوەکەم.
مردن و سەرشۆڕیش، بۆ گەندەڵکاران، ناپاکان و چەوسێنەرانی نێوخۆ و دوژمنانی کورد و "کوردستان".